IZaziso
◼ Umnikelo woncwadi ngoMeyi: Umrhumo weMboniselo ngomnikelo wee-R17,00 kwinkupho zakabini ngenyanga. Umrhumo wonyaka kwiinkupho zakanye ngenyanga nomrhumo weenyanga ezintandathu kwiinkupho zakabini ngenyanga zii-R8,50. NgoJuni: Oyena Mntu Ubalaseleyo Wakha Waphila ngomnikelo wee-R9,00. NgoJulayi: Nayiphi na kwezi ncwadana zinemifanekiso zilandelayo: Bunandiphe Ubomi Emhlabeni Ngonaphakade!, Imimoya Yabafileyo—Ngaba Inokukunceda Okanye Inokukwenzakalisa? Ngaba Ikho Ngokwenene?, Ngaba Ngokwenene UThixo Usikhathalele?, Ngaba Ufanele Ukholelwe KuBathathu Emnye?, Urhulumente Oya Kuzisa IParadisi nethi “Uyabona, Izinto Zonke Ndizenza Ntsha,” ngomnikelo weesenti ezingama-90 inye. NgoAgasti nangoSeptemba: Unokuphila Ngonaphakade KwiParadisi Esemhlabeni ngomnikelo wee-R9,00. Ezincinane ngee-R4,50. PHAWULA: Amabandla angekaziodoli ezi ncwadi ziza kuhanjiswa zingasentla afanele enjenjalo kwifomu yawo iLiterature Order (S-AB-14) yenyanga elandelayo.
◼ Kumveleli owongamelayo: Siyanicela ukuba nithumele kuMbutho nawaphi na amava akhethekileyo ibandla lenu eliye lanawo ebudeni bonyaka, kuquka namava aphathelele inkonzo yobuvulindlela bobuncedani nosuku olukhethekileyo lamaphephancwadi, ngoAprili 3, 1993. Sifuna ukukhetha awona asemagqabini kwintsimi yethu ukuze siwafake kwingxelo yonyaka. Ncedani niwathumele kungekhona ngemva kukaJulayi 1, 1993.
◼ Oonobhala bamabandla bafanele balungiselele ukuxubusha isiqendu 44-55 soLudwe Lwamaxabiso (S-15) nezicaka zemali namaphephancwadi ebudeni bale nyanga baze baqinisekise ukuba aba bazalwana bayiqonda ngokupheleleyo inkcazelo ekuzo. Ukuba ninayo nayiphi na imibuzo ngokuphathelele iiodolo zamaphephancwadi, okanye aninawo umbhalo weS-15, ncedani niqhagamshelane noMbutho.
◼ Sifuna ukwazisa kusengaphambili bonke oovulindlela abathe ngxi abangekayi kwiSikolo Senkonzo Yobuvulindlela ukuba siya kuqhutywa ebudeni bukaNovemba nasekuqaleni kukaDisemba 1993. Ncedani nenze amalungiselelo aqinisekileyo okubakho kwesi Sikolo Senkonzo Yobuvulindlela ngoNovemba. Kwixa elidluleyo bambi ngaphandle kwesizathu esivakalayo baye baphoswa leli lungiselelo. Asifuni ukuba nawuphi na uvulindlela aphoswe sesi sikolo. Inkcazelo engakumbi niya kuyithunyelelwa ngumveleli wesiphaluka.
◼ IBheteli ifuna umongikazi ovunyiweyo. Ukuba unako ukusabela kule mfuno, nceda bhalela uMbutho ucele ifomu yokungenela inkonzo yaseBheteli.
◼ Oku kukwazisa onke amabandla afumana izinto ngelori yoMbutho ukuba ukususela ngoku ukusa phambili Ubulungiseleli Bethu BoBukumkani buya kuhanjiswa kunye noncwadi namaphephancwadi, nanini na oko kuya kuba luncedo olungakumbi. Sekunjalo maxa wambi kusenokuba yimfuneko ukuba sithumele Ubulungiseleli Bethu BoBukumkani ngeposi. Noko ke, oku kuya kwenziwa kuphela ukuba iposi inokubufikisa ngokukhawuleza kunoMbutho. Ncedani niqinisekise ukuba izinto enizithunyelelwayo zithatyathwa ngokuthe rhoqo kwindawo ezothulwa kuyo.
◼ UMbutho ngoku uzama ukusebenzisa iCD-ROM kwiikhompyutha. Le yicompact disk enenkcazelo enokufundwa kuphela. Oku kuya kwenza ukuba ubani akwazi ukufumana kwikhompyutha nayiphi na imbekiselo ekhoyo kwiNew World Translation, kwimiqulu yeInsight, kwiThe Watchtower yowe-1950 ukuya kowe-1993, nezinye iimpapasho ezininzi ezizezethu kuphela. Le CD-ROM iya kuquka nenkqubo enokusetyenziselwa izinto, neyilwe nguMbutho yokuphanda kwezo mpapasho. Kuya kufuneka isixhobo esifanelekileyo sokufunda ezi CD-ROM. Ezi CD-ROM zifanele zifumaneke ekuqaleni konyaka ozayo. Ncedani ningabhaleli okanye nitsalele umnxeba uMbutho nifuna inkcazelo. Xa sele kwenziwe isigqibo ngeenkcukacha zoku, siya kuthumela ileta kuwo onke amabandla, sinikele inkcazelo ngezixhobo ezifunekayo ukuze kusetyenziswe le CD-ROM intsha.