IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 5/96 iphe. 3
  • Isingxobo Semibuzo

No video available for this selection.

Sorry, there was an error loading the video.

  • Isingxobo Semibuzo
  • Ubulungiseleli Bethu BoBukumkani—1996
  • Amanqaku Afanayo
  • Indlela Yokwenza Abafundi Ngencwadi Ethi Ulwazi
    Ubulungiseleli Bethu BoBukumkani—1996
  • Isingxobo Semibuzo
    Ubulungiseleli Bethu BoBukumkani—1996
  • Uluntu Kufuneka Lube Nolwazi NgoThixo
    IMboniselo Evakalisa UBukumkani BukaYehova—1996
  • Ukukhangela Inkqubela Yomsebenzi Ongxamisekileyo Wokwenza Abafundi
    Ubulungiseleli Bethu BoBukumkani—1998
Khangela Okunye
Ubulungiseleli Bethu BoBukumkani—1996
km 5/96 iphe. 3

Isingxobo Semibuzo

◼ Ekubeni ngoku sinencwadi ethi Ulwazi Olukhokelela Kubomi Obungunaphakade, isifundo seBhayibhile sekhaya sifanele siqhutywe ixesha elide kangakanani?

Ubulungiseleli Bethu BoBukumkani bukaSeptemba 1993 bancomela ukuba isifundo seBhayibhile sekhaya simele siqhutywe nomntu onomdla de kugqitywe iincwadi ezimbini. Ekubeni ngoku sinencwadi ethi Ulwazi, kubonakala kucebiseka ukuba senze uhlengahlengiso kule nkqubo, njengoko kwachazwayo kwiMboniselo kaJanuwari 15, 1996, iphepha 13 nele-14.

Incwadi ethi Ulwazi yenzelwe ukunceda abo ‘banotyekelo olufanelekileyo ngobomi obungunaphakade’ bafunde oko kufuneka bekwazile ukuze bazahlulele kuYehova baze babhaptizwe. (IZe. 13:48) Ngoko ke, yakuba igqityiwe le mpapasho intsha, akuyi kufuneka kufundisiswe incwadi yesibini nomfundi okwamnye. Njengoko abantu obafundela iBhayibhile beqalisa ukwamkela inyaniso, usenokusoloko ubakhuthazela ekubeni bakhulise ulwazi lwabo ngokuya kwiintlanganiso zamaNgqina kaYehova ndawonye nokufunda iBhayibhile neempapasho ezahlukeneyo zamaKristu.

Ukuba uyazi kakuhle imibuzo ekwiphepha 175 ukusa kwelama-218 kwincwadi ethi Ukulungelelaniselwa Ukufeza Ubulungiseleli Bethu, oko kusenokuba luncedo. Nangona ungafanele ubhekisele kule mibuzo okanye uyihlolisise nomntu omfundela iBhayibhile, kusenokuba kuhle ukubethelela iingongoma ezikwincwadi ethi Ulwazi eziya kwenza umfundi akwazi ukuvakalisa indlela efanelekileyo aziqonda ngayo iinyaniso zeBhayibhile ezisisiseko xa abadala behlolisisa loo mibuzo kunye nabantu abaza kubhaptizwa.

Akuyomfuneko ukongezelela kwinkcazelo ekwincwadi ethi Ulwazi, ngokufaka umbandela ongekho ncwadini okanye umbandela owongezelelekileyo ukuze uxhase iimfundiso zeBhayibhile okanye uphikise iimfundiso zobuxoki. Oko kuya kusenza isifundo sithabathe ixesha elide. Kunoko, sinethemba lokuba le ncwadi inokugutyungelwa ngokukhawuleza, mhlawumbi kwiinyanga nje ezintandathu. Oku kubethelela imfuneko yokuwufundisisa kakuhle umbandela kusengaphambili ukuze sikwazi ukuwunikela ngokucacileyo nangokuchanileyo. Nomfundi ufanele akhuthazwe afundisise kusengaphambili, afunde izibhalo ezibonisiweyo, aze azabalazele ukukuqonda ngokucacileyo oko kufundiswa yile ncwadi kwisahluko ngasinye.

Le Mboniselo iye yabalaselisa imfuneko yokuba amaNgqina kaYehova aqhube izifundo zeBhayibhile eziphumelelayo ezininzi ngexeshana nje elingephi. (Bona uIsaya 60:22.) Ukuyisebenzisa ngokuphumelelayo le ncwadi ithi Ulwazi kuya kubanceda abasebatsha bazuze ulwazi olukhokelela kubomi obungunaphakade baze baphile ngokuvisisana nalo.—Yoh. 17:3.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share