IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 7/96 iphe. 3
  • Ucwangciso Olutsha Lwendibano Yesiphaluka

No video available for this selection.

Sorry, there was an error loading the video.

  • Ucwangciso Olutsha Lwendibano Yesiphaluka
  • Ubulungiseleli Bethu BoBukumkani—1996
  • Amanqaku Afanayo
  • Ucwangciso Olutsha Lwendibano Yesiphaluka
    Ubulungiseleli Bethu BoBukumkani—1998
  • Ucwangciso Olutsha Lwendibano Yesiphaluka
    Ubulungiseleli Bethu BoBukumkani—1993
  • Ucwangciso Olutsha Lwendibano Yesiphaluka
    Ubulungiseleli Bethu BoBukumkani—1995
  • Ucwangciso Olutsha Lwendibano Yesiphaluka
    Ubulungiseleli Bethu BoBukumkani—1999
Khangela Okunye
Ubulungiseleli Bethu BoBukumkani—1996
km 7/96 iphe. 3

Ucwangciso Olutsha Lwendibano Yesiphaluka

1 Ucwangciso olutsha lwendibano yesiphaluka oluza kuqalisa ngoSeptemba luza kubalaselisa umxholo othi “Fumana Uyolo Olungakumbi Ekupheni.” (IZe. 20:35) Uyolo luchazwa “njengokuba ngowonwabileyo nowanelisekileyo.” Namhlanje inkoliso yabantu ixhakamfula naluphi na uyolo enokulufumana apha ebomini, ibe xa ilufumene, ludla ngokuhlala nje ixeshana. Olo asilulo uyolo lokwenene. Ukanti, uYehova usifundisa indlela esinokungenelwa ngayo ngonaphakade. (Isa. 48:17; 1 Yoh. 2:17) Olu cwangciso lutsha lwendibano luza kugxininisa kwindlela esinokulufumana ngayo uyolo olungakumbi ekupheni ngokomoya.

2 Siza kufunda iindlela ezisebenzisekayo esinokuthi sizinikele ngazo kubulungiseleli. Ezinye zeentetho eziza kunikelwa ngabaveleli abahambahambayo nazi: “Ukuzenzela Abahlobo Ngobutyebi Obungebobabulungisa,” “Lihlonele Ilungiselelo Lobuthixo ‘Lezipho Ezikuhlobo Lwabantu,’” nethi “Nandipha Iinkalo Ezahlukeneyo Zoyolo Lokwenene.” Abo banqwenela ukubhaptizwa kule ndibano kuza kufuneka bathethe nomveleli owongamelayo ukuze alungiselele abadala bahlolisise kunye nabo imibuzo yobhaptizo. Ukukhonza uYehova benokuma okunyulu kuya kubanika uyolo olungakumbi abo basandul’ ukubhaptizwa.

3 Kwakhona ukuligqala ngokufanelekileyo igunya likaYehova kubangela uyolo nonqabiseko lokwenene. Bonke abantu kufuneka bekwazile oku. Ngenxa yoko, intetho yesidlangalala yendibano yesiphaluka iya kubalaselisa lo mxholo “Manyana Nabantu BakaThixo Abanoyolo.” Qiniseka ukuba uza kumema bonke abo baye babonakalisa umdla kwinyaniso babekho kule ntetho. Abakalufumani unqabiseko lokwenene kunye noyolo oluhlala luhleli phantsi kolawulo lwabantu kweli hlabathi, lilawulwa nguSathana. (INtshu. 8:9) Kodwa olunjani lona uvuyo abaya kulufumana ngokunxulumana nabantu bakaYehova abanoyolo!—INdu. 144:15b.

4 Phezu kwazo nje iimeko zale nkqubo yezinto eziya zisiba maxongo, abo bafumana uyolo olungakumbi ekupheni ngokomoya abanakuze badaniswe nguThixo onoyolo. (1 Tim. 1:11) Olu cwangciso lutsha lwendibano yesiphaluka luza kubonisa indlela okuyinyaniso ngayo oku. Ungaphoswa!

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share