Izaziso
◼ Umnikelo woncwadi NgoJanuwari: INguqulelo Yehlabathi Elitsha YeZibhalo ZamaKristu ZesiGrike nencwadi ethi Oyena Mntu Ubalaseleyo Wakha Waphila, okanye nethi Iphulo Loluntu Lokufuna UThixo) NgoFebruwari: Imfihlelo Yolonwabo Lwentsapho. NgoMatshi: Ulwazi Olukhokelela Kubomi Obungunaphakade. Kuya kwenziwa umgudu okhethekileyo wokuqalisa izifundo zeBhayibhile. NgoAprili: Iinkupho zeMboniselo noVukani! Yiba nencwadana enemifanekiso ethi Okufunwa NguThixo ukuze uyinike abantu abanomdla, uze uzame ukuqalisa izifundo zeBhayibhile zasekhaya.
◼ Bonke abavakalisi ababhaptiziweyo abakhoyo kwiNtlanganiso Yenkonzo yeveki eqala ngoJanuwari 31 banokufumana iqweqwe elithi Advance Medical Directive/Release kunye neIdentity Card elungiselelwe abantwana babo.
◼ Ukususela ngoFebruwari, kodwa kungekhona emva kukaMatshi 5, abaveleli besiphaluka baza kuba benikela intetho yesidlangalala entsha enomxholo othi “IArmagedon Yokwenene—Ngoba? Nini?”
◼ Amabandla afanele enze amalungiselelo afanelekileyo ukuze enze iSikhumbuzo salo nyaka ngoLwesithathu, Aprili 19, emva kokutshona kwelanga. Nangona intetho isenokuqalisa ngaphambi koko, ukuhanjiswa kwemifuziselo yeSikhumbuzo akufanele kuqaliswe de kube semva kokutshona kwelanga. Buzani kumaziko asekuhlaleni ukuze niqonde elona xesha litshona ngalo ilanga kwindawo yenu. Nangona kuyinto enqwenelekayo ukuba ibandla ngalinye liqhube esalo iSikhumbuzo, oko kusenokungenzeki ngamaxesha onke. Apho amabandla aliqela aqhele ukusebenzisa iHolo yoBukumkani enye, mhlawumbi elinye okanye angaphezulu kuloo mabandla asenokusebenzisa enye indawo ngaloo ngokuhlwa. Xa kunokwenzeka, sicebisa ukuba elinye ibandla lingene emva kwemizuzu engama-40 ukuze bangenelwe ngokuzeleyo bonke kwesi sihlandlo, kuvunyelwe ixesha lokubulisa iindwendwe nelokukhuthaza abasandul’ ukuba nomdla. Kufanele kunikelwe ingqalelo kwizinto zokuhamba nendawo yokuzimisa, kuquka ukuthulwa nokuphuthunywa kwabantu. Iqumrhu labadala lifanele ligqibe ngamalungiselelo aya kuba luncedo ngakumbi ekuhlaleni.
◼ Intetho yesidlangalala ekhethekileyo yexesha leSikhumbuzo sowama-2000 iza kunikelwa ngeCawa, Aprili 16. Umxholo wentetho uza kube usithi “Isizathu Sokuba Uluntu Lufune Intlawulelo.” Ulwandlalo lwayo luza kuthunyelwa. Amabandla aza kube enotyelelo lomveleli wesiphaluka, indibano yesiphaluka okanye indibano ekhethekileyo yosuku olunye ngaloo mpela-veki aza kuba nentetho ekhethekileyo kwiveki elandelayo. Akukho bandla lifanele libe nentetho ekhethekileyo ngaphambi koAprili 16, 2000.
◼ Kutshanje isebe lethu liye lacelwa liQumrhu Elilawulayo ukuba lincede ngobunjineli kumsebenzi wokwakha kumasebe aseAfrika, iOfisi yethu yobuNjineli ifuna ngokungxamisekileyo abazalwana okanye oodade abanamava abanobuchule bokuzoba iiplani, iinjineli zombane okanye iinjineli zesakhiwo okanye abazobi, amagcisa okubala izinto zokwakha nabaveleli bomsebenzi wokwakha.
◼ Umhla ka-Aprili 1, 2000, uza kube uluSuku lwethu olukhethekileyo Lwamaphephancwadi. Kwixesha elidluleyo abaninzi baye bakunandipha ukuba nesabelo kumsebenzi woSuku olukhethekileyo Lwamaphephancwadi. Kutheni ungaqalisi kwangoku ukuceba ukuze ube nesabelo ngokupheleleyo kulo nyaka? Amabandla afanele afake iiodolo ezikhethekileyo zamaphephancwadi ngokukhawuleza kangangoko kunokwenzeka.
◼ Ekubeni kusetyenziswa ilungiselelo elitsha lokusasazwa koncwadi, uMbutho awusayi kuba nazo esitokhweni iiBhayibhile zomthonyama ngaphandle kwamahlelo ENguqulelo Yehlabathi Elitsha. Zakuba ziphelile ezi sinazo esitokhweni, nceda uzithengele zona kwiivenkile zasekuhlaleni ukuba uyayifuna. Kwakhona sinqwenela ukukhumbuza wonke ubani ukuba lonke uncwadi ngoku lumele lufumaneke ngebandla lenu, ekubeni ngoku igumbi leencwadi laseBheteli livaliwe.