‘Bekela Bucala Okuthile’

Ebandleni lamaKristu lenkulungwane yokuqala, kwakukho intswelo yezinto eziphathekayo ekwakufuneka kunikelwe ingqalelo kuyo. Ngokwengeniso yomntu ngamnye, kwakukhuthazwa ukuba ‘abeke okuthile bucala’ njengomnikelo wokuhlangabezana nezo ntswelo. (1 Kor. 16:1-3) Ngenxa yesisa sabo, bonke babevuyiswa kukunikela ‘iimbonakaliso ezininzi zombulelo kuThixo.’—2 Kor. 9: 11, 12.

Namhlanje umsebenzi wehlabathi lonke wabantu bakaYehova uyaqhubeka usanda, ufuna ukuxhaswa ngemali ngokuqhubekayo kunanini na ngaphambili. Kufanelekile ke ngoko ukuba nathi ‘sibekele bucala okuthile’ rhoqo ukuze sinikele uncedo. (2 Kor. 8: 3, 4) Ukunikela ngezinto eziphathekayo kunokwenziwa ngeendlela ezininzi. (Bona IMboniselo kaNovemba 1, 2001, iphepha 28-9.) Oku sikujonga njengelungelo elizisa ulonwabo lokwenene.—IZe. 20:35.