Indlela Iividiyo Ezibunikela Ngayo Ubungqina
1 “Unyana wethu ebebukela ividiyo ngaphambi kokuba akwazi ukuhamba. Uyibukela izihlandlo ngezihlandlo. Hayi indlela ekukuhle ngayo ukuba nezixhobo ezifundisa abantwana bethu ukuthanda uYehova!” Yiyiphi le vidiyo wayethetha ngayo lo mzali ungumKristu? Yileya inomxholo othi Noah—He Walked With God. Unyana womama ongeloNgqina wabukela ividiyo ethi Noah kwelinye ikhaya waza unina wathumelela iofisi yesebe umnikelo we-R670 waza wabuza enoba asinazo ezinye iividiyo zabantwana kusini na. Iividiyo ezenziwa yintlangano kaYehova zinempembelelo enkulu ebantwaneni nakubantu abadala.
2 Entsatsheni: Emva kokuba intsapho yamaNgqina yabukela ividiyo ethi Jehovah’s Witnesses Stand Firm Against Nazi Assault, umama wathi: “Ndiye ndacamngca imini yonke ngendlela uYehova abenza banyamezele izinto ezingaqhelekanga ngayo abantu abangabalulekanga! Ukucinga ngaloo mava kuye kwandikhumbuza indlela ezincinane ngayo iingxaki zam. Ukubukela le vidiyo nabantwana bethu kuye kwabanceda bakubona ukubaluleka kokuthembela ngoYehova. Ngokuyixubusha nabo, siye sazinceda iintombi zethu zakulungela ukusingatha nayiphi na ingcinezelo nentshutshiso enokuvela.”
3 Esikolweni: Elinye iNgqina eliselula, kwingxelo elayenza eklasini, ladlala ividiyo ethi Stand Firm. Ngaphambili utitshalakazi wayethe akawathandi amaNgqina. Emva kokuba ebukele le vidiyo, wathi: “Iyitshintshile ngokupheleleyo indlela ebendiwajonga ngayo amaNgqina kaYehova. Inene kwixesha elizayo xa esiza ekhayeni lam kwakhona, ndiza kuwaphulaphula ndize ndiqalise ukufunda iBhayibhile nawo!” Yintoni eyatshintsha indlela asijonga ngayo? Wathi “yayiluthando lwethu olungazenzisiyo nokunyaniseka.”
4 Entsimini: Omnye udade wadibana nelinye ibhinqa elalingalufuni uncwadi lwethu, nangona lalinemibuzo ngeenkolelo zethu nangathi. Lo dade wamphathela ividiyo ethi Jehovah’s Witnesses—The Organization Behind the Name waza wayidlalela eli bhinqa nomyeni walo. Bobabini bachukumiseka gqitha baza bamkela isifundo seBhayibhile. Ngenxa yobo bungqina banikelwa kubo, baqalisa ukuvisisanisa ubomi babo nokuthanda kukaThixo.
5 Sinokuzisebenzisa njani iividiyo zethu ngakumbi? Ekubeni kubiza imali eninzi ukwenza ezi vidiyo, amanye amabandla azigcina kwiThala eliseHolweni yoBukumkani aze abolekise ngazo kubavakalisi. Abavakalisi abakhuthazwa ukuba baziodole ezi vidiyo ukuba abanabo oomatshini bevidiyo okanye abayi kuzisebenzisa kangako.