Ucwangciso Lwentlanganiso Yenkonzo
Iveki Eqala Ngo-Oktobha 13
10 imiz: Izaziso zebandla lasekuhlaleni kunye neZaziso ezikhethwe kuBulungiseleli Bethu BoBukumkani. Usebenzisa amacebiso akwiphepha 12, yiba nemiboniso emibini ngendlela yokuhambisa IMboniselo kaOktobha 15 noVukani! kaNovemba 8. Kumboniso ngamnye, la maphephancwadi amele ahanjiswe omabini, nangona kuthethwa ngephephancwadi elinye. Kwenye yezi ntshumayelo, bonisa indlela yokwenza ibuyelo kumntu omenzela umzila wamaphephancwadi. Hlakulela indlela yokubuyela kwixa elizayo ngokutsalel’ ingqalelo kwibhokisi ethi “Kwinkupho Yethu Elandelayo.”—Bona uBulungiseleli Bethu BoBukumkani bukaOktobha 1998, iphe. 12, isiqe. 7-8.
20 imiz: “Mkhonzeni UYehova Ninemihlali.”a (Ukulungiselela le ngxubusho bonke bafanele babe nesihlomelo soBulungiseleli Bethu BoBukumkani bukaJanuwari 2002.) Emva kokuxubusha isiqendu 4, khankanya ukuba ngoNovemba kuza kuhanjiswa incwadana enemifanekiso ethi Okufunwa NguThixo kunye nencwadi Ulwazi. Ngokufutshane hlola enye yeentshumayelo ezicetyisiweyo ezikwisihlomelo soBulungiseleli Bethu BoBukumkani bukaJanuwari 2002. Emva koko yenza umboniso ngendlela yokuqhelisela loo ntshumayelo. Bakhuthaze bonke ukuba bayilungiselele kakuhle intsimi.
15 imiz: “Ukuhlanganisana Ngenjongo Yokudumisa UYehova.”b Sebenzisa imibuzo elungiselelweyo. Babongoze bonke ukuba babekho kucwangciso ngalunye, ukususela ngosuku lokuqala ukusa emva kwemini ngeCawa. Bethelela imfuneko yokuba sisebenzise oko sikuvileyo kunokuba siphulaphule nje. NgoFebruwari kuza kwenziwa impinda yeembalasane zendibano. Bakhuthaze bonke ukuba babhale amanqaku.
Ingoma 172 nomthandazo wokuqukumbela.
Iveki Eqala Ngo-Oktobha 20
10 imiz: Izaziso zebandla lasekuhlaleni. Ngokufutshane chaza ingxelo yephulo lomhlaba ongabelwanga bani. Chaza amalungiselelo okugqibela empelaveki kaNovemba 1, 2, 2003, uze ubakhuthaze bonke ukuba babekho.
15 imiz: “Indlela Iividiyo Ezibunikela Ngayo Ubungqina.” Ingxubusho nabaphulaphuli. Emva kokuba nixubushe ngokufutshane imizekelo ekweli nqaku, cela abaphulaphuli bachaze impumelelo abaye banayo ngokubonisa abantu iividiyo. Amabandla angenandlela yokufumana umatshini wevidiyo anokuxubusha iimfuno zebandla lasekuhlaleni.
20 imiz: “Ukunxiba Kakuhle Kubonisa Ukuba Siyamhlonela UThixo.”c Mayisingathwe ngumdala. Sebenzisa imibuzo elungiselelweyo. Isiqendu ngasinye masifundwe ngumzalwana ofunda ngokutyibilikayo.
Ingoma 112 nomthandazo wokuqukumbela.
Iveki Eqala Ngo-Oktobha 27
10 imiz: Izaziso zebandla lasekuhlaleni. Ingxelo yemali. Khumbuza abaphulaphuli ukuba badlulisele iingxelo zabo zenkonzo yasentsimini kaOktobha. Bakhuthaze bonke ukuba baphinde bahlole amanqaku abo endibano ekhethekileyo yosuku olunye yonyaka wenkonzo odluleyo xa belungiselela iNtlanganiso Yenkonzo yeveki ezayo. Usebenzisa amacebiso akwiphepha 12, yiba nemiboniso emibini eyahlukeneyo yendlela yokuhambisa IMboniselo kaNovemba 1 noVukani! kaNovemba 8. Kumboniso ngamnye, la maphephancwadi afanele ahanjiswe omabini, nangona kuthethwa ngephephancwadi elinye. Komnye wale miboniso, bonisa indlela yokusingatha la mazwi anokuthintela incoko, “Andinamdla.”—Bona incwadi ethi Ukuqiqa, iphe. 16.
20 imiz: “Yibani Ngabaphilileyo Engqondweni Njengoko Isiphelo Sisondela.”d Xa nixubusha isiqendu 3-4, cela abavakalisi bachaze usukelo abanalo lwezinto zokomoya. Quka amagqabaza akwiphepha 176 lencwadi ethi Nqula UThixo.
15 imiz: “Yiba Ngumzekelo Kwimisebenzi Emihle.”e Sebenzisa imibuzo elungiselelweyo. Gxininisa imfuneko yokuba kwamkelwe amalungiselelo endawo yokuhlala enzelwe ingenelo yethu. Chaza isizathu sokuba kubalulekile ukuba wonke ubani aziphathe kakuhle.
Ingoma 52 nomthandazo wokuqukumbela.
Iveki Eqala NgoNovemba 3
10 imiz: Izaziso zebandla lasekuhlaleni. Iindaba Zobuthixo.
10 imiz: Iimfuno zebandla lasekuhlaleni.
25 imiz: Nityebe Emisebenzini Emihle. (1 Tim. 6:18) Esebenzisa le mibuzo ingezantsi, umdala uxubusha nabaphulaphuli ngocwangciso lwendibano ekhethekileyo yosuku olunye yonyaka wenkonzo odluleyo. Cela abaphulaphuli babalise indlela abaye bakusebenzisa ngayo oko bakufundileyo. (Abantu basenokwabelwa kusengaphambili iinxalenye abaza kugqabaza kuzo.) Balaselisa ezi ntetho zilandelayo zocwangciso: (1) “Imisebenzi Emihle Inenzuzo Enkulu.” (INtshu. 2:11) Kutheni abakhonzi bakaThixo benosukelo lokwenza imisebenzi emihle echazwe eLizwini likaThixo kunemisebenzi elilize yeli hlabathi? (2) “Yibani Zizityebi Emehlweni KaThixo.” (Mat. 6:20) Abanye baye ‘babuqweba njani ubutyebi emazulwini,’ yaye ziziphi iingenelo abaye bazifumana? (3) “Nonga Ubulungiseleli Bakho Ngesifundo SeBhayibhile.” (om-XO iphe. 91) Yintoni enokusinceda sikwazi ukuqalisa size siqhube isifundo seBhayibhile? (4) “Imisebenzi Emihle Kweli Xesha Lokuvuna.” (Mat. 13:37-39) AmaKristu enkulungwane yokuqala amisela wuphi umzekelo wemisebenzi emihle, yaye uye wanda njani umsebenzi woBukumkani kweli xesha lethu? (5) “Zukisa UYehova Ngemisebenzi Yakho Emihle.” (Mat. 5: 14-16) Abanye baye ‘balukhanyisa njani ukhanyiselo lwabo’? (6) “Ukuncoma Ulutsha Ngokwenza Imisebenzi Emihle Ekudumiseni UYehova.” (INdu. 148:12, 13) Ulutsha olungamaKristu olukwisiphaluka sethu lumdumisa njani uYehova? (7) “Qhubeka Usenza Imisebenzi Emihle Uze Ufumane Iintsikelelo ZikaYehova.” (IMize. 10:22) Njengoko siqhubeka sixakeke yimisebenzi emihle, sinokusikelelwa njani njengabantu ngabanye, njengentsapho, njengebandla, nanjengentlangano esehlabathini lonke?
Ingoma 180 nomthandazo wokuqukumbela.
[Umbhalo osemazantsi]
a Intshayelelo yakho mayibe ngaphantsi komzuzu omnye, wandule ke ukubuza imibuzo.
b Intshayelelo yakho mayibe ngaphantsi komzuzu omnye, wandule ke ukubuza imibuzo.
c Intshayelelo yakho mayibe ngaphantsi komzuzu omnye, wandule ke ukubuza imibuzo.
d Intshayelelo yakho mayibe ngaphantsi komzuzu omnye, wandule ke ukubuza imibuzo.
e Intshayelelo yakho mayibe ngaphantsi komzuzu omnye, wandule ke ukubuza imibuzo.