Okufanele Kukhunjulwe NgeSikhumbuzo

ISikhumbuzo salo nyaka singeCawa, Aprili 4. Abadala bafanele banikele ingqalelo kule mibandela ilandelayo:

◼ Xa nibeka ixesha lale ntlanganiso, qinisekani ukuba imifuziselo ayiyi kuhanjiswa de kube semva kokutshona kwelanga.

◼ Bonke abantu, kuquka isithethi, bafanele baziswe ngexesha nendawo echanileyo esiza kuqhutyelwa kuyo iSikhumbuzo.

◼ Kufanele kufunwe isonka newayini efanelekileyo zize zilungiswe.—Bona IMboniselo kaFebruwari 15, 2003, iphepha 14-15.

◼ Eholweni kufanele kuziwe neepleyiti, iigilasi netafile efanelekileyo nelaphu layo kwangethuba zize zibekwe kwindawo yazo.

◼ IHolo yoBukumkani okanye enye indawo yeentlanganiso ifanele icocwe kakuhle kwangexesha.

◼ Kufanele kukhethwe abalindi nabo baza kuhambisa isonka newayini kwangethuba baze bayalelwe ngemisebenzi yabo, indlela efanelekileyo abafanele bayenze ngayo, nemfuneko yokunxiba nokuzilungisa ngendlela endilisekileyo.

◼ Kufanele kwenziwe amalungiselelo okusa isonka newayini kuye nabani na ongumthanjiswa ogulayo nongenakukwazi ukubakho.

◼ Xa amabandla aliqela eza kusebenzisa iHolo yoBukumkani enye, afanele alungelelaniswe kakuhle ukuze kuphetshwe ukuxinana okungeyomfuneko emnyango, kwiindlela zikawonke-wonke nakwiindawo zokumisa iinqwelo-mafutha.