IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 1/05 iphe. 7
  • Ilungiselelo Elitsha Lokusinceda Sizikhwebule Egazini

No video available for this selection.

Sorry, there was an error loading the video.

  • Ilungiselelo Elitsha Lokusinceda Sizikhwebule Egazini
  • Ubulungiseleli Bethu BoBukumkani—2005
  • Amanqaku Afanayo
  • Amalungiselelo Okusinceda Sizikhwebule Egazini
    Ubulungiseleli Bethu BoBukumkani—2004
  • Yilungele Ngoku Imeko Yezonyango Engxamisekileyo
    Ubomi BamaKristu Nomsebenzi Wokushumayela—Incwadi Yentlanganiso—2023
  • Ngaba Uyazilazila?
    Ubulungiseleli Bethu BoBukumkani—2010
  • Ngaba Ndifanele Ndibe Nekhadi Lokuthenga Ngetyala?
    Vukani!—2000
Khangela Okunye
Ubulungiseleli Bethu BoBukumkani—2005
km 1/05 iphe. 7

Ilungiselelo Elitsha Lokusinceda Sizikhwebule Egazini

IQumrhu Elilawulayo liye lancomela ukuba endaweni yekhadi iAdvance Medical Directive/Release kusetyenziswe uxwebhu olusemthethweni lwegunya elingenakuphikiswa lommeli [durable power of attorney (DPA).] esiza kulibiza ngokuba likhadi leDPA. Ikhadi leDPA lilungiselelwe ummandla okumazantsi eAfrika.

Eli khadi aliphelelwa kwaye lisebenza naphi na kumazantsi eAfrika yaye liza kuvakalisa iminqweno yakho nakwiliphi na ilizwe otyelela kulo ehlabathini. Kwixa elizayo, kuya kufuneka uzalise ikhadi leDPA elitsha xa (1) ufuna ukwenza naluphi na utshintsho kwikhadi lakho, njengokutshintsha iminqweno yakho, umntu oza kukumela, idilesi, inombolo yefowuni, okanye, (2) xa ikhadi lakho lilahlekile okanye lonakele.

Ufanele uthandazele ukhokelo lukaThixo xa uza kuzalisa eli khadi uze ulizalise kakuhle ekhaya. Noko ke, ngaphambi kokuba ulityobele, kubalulekile ukuba uyilandele njengokuba injalo indlela esemthethweni yokulityobela. Ngokomzekelo, ukuba lithi kufuneka ulityobele phambi kwamangqina amabini, yenza njalo. Ngokufuthi abaveleli bezifundo zencwadi bamele bahlole abo bangekalizalisi eli khadi ukuze babone enoba bafuna uncedo kusini na.

Ngaphambi kokuba ulisonge eli khadi leDPA, yenza imibhalo ekhutshelweyo necacileyo oza kuyinika abantu abaza kukumela, ugqirha, nombhalo oza kuwugcina kwiifayile zakho. Mhlawumbi usenokufuna ukunika namanye amalungu entsapho kunye nonobhala webandla imibhalo yabo. Kufanele kusetyenziswe iphepha eliqhelekileyo (210mm x 297mm) xa kusenziwa le mibhalo, lize ikhadi leDPA libe sembindini wephepha. Wena ufanele ube nekhadi leDPA lokoqobo, kungekhona umbhalo okhutshelweyo.

I-Identity Card ebhalwe umhla ka-3/99 yabantwana bamaNgqina abangekabhaptizwa ayitshintshanga. Abazali bafanele baqiniseke ukuba ikhadi lomntwana omncinane ngamnye lizaliswe kakuhle laza latyobelwa yaye baqiniseke ukuba umntwana uliphatha ngawo onke amaxesha afanelekileyo.

Abavakalisi abangabhaptizwanga bamele bazibhalele eyabo imiyalelo yonyango neyabantwana babo besebenzisa isigama esikwikhadi leDPA nese-Identity Card. Bonke abavakalisi abaza kubhaptizwa ebudeni bonyaka, unobhala ufanele abanike ikhadi leDPA emva kokuba bebhaptiziwe.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share