Izinto Ezimele Zikhunjulwe Xa Kulungiselelwa ISikhumbuzo

ISikhumbuzo salo nyaka siza kuba ngoLwesine, Matshi 24. Abadala bafanele bakhumbule ezi zinto zilandelayo:

◼ Xa nikhetha ixesha lale ntlanganiso, qinisekani ukuba imifuziselo ayihanjiswa de kube sekutshoneni kwelanga.

◼ Wonke umntu, kuquka isithethi, sifanele saziswe ngexesha nendawo esiza kuqhutyelwa kuyo isikhumbuzo.

◼ Kufanele kulungiswe isonka kuze kufunwe iwayini efanelekileyo.—Bona IMboniselo kaFebruwari 15, 2003, iphepha 14-15.

◼ Iipleyiti, iiglasi, itafile nelaphu letafile zifanele zibe kwiHolo yoBukumkani kwangethuba.

◼ IHolo yoBukumkani okanye ezinye iindawo ekuqhutyelwa kuzo iintlanganiso zifanele zicocwe kwangethuba.

◼ Abalindi nabo baza kuhambisa imifuziselo bafanele bakhethwe baze bachazelwe kusengaphambili ngemisebenzi yabo, nangendlela abaza kuyenza ngayo nokuba bazilungise ngendlela endilisekileyo.

◼ Kufanele kwenziwe amalungiselelo okusa imifuziselo kuye nawuphi na umthanjiswa ongaphilanga nongayi kukwazi ukubakho.

◼ Ukuba iHolo yoBukumkani iza kusetyenziswa ngamabandla aliqela, loo mabandla afanele asebenzisane ukuze kuphetshwe ukuxinana ezipasejini okanye kwiminyango yokungena, kwindledlana zokuhamba, nakwiindawo zokupaka iimoto.