Ukufunda Incwadana Enemifanekiso Ethi Hlalani Nilindile!
Amabandla ehlabathini lonke aza kufunda incwadana enemifanekiso ethi Hlalani Nilindile! ebudeni beveki eqala ngoMeyi 23 ukuya kuJuni 20, 2005, kwiSifundo Sencwadi Sebandla. Ncedani nisebenzise le mibuzo ilandelayo xa nilungiselela naxa niqhuba iintlanganiso. Ebudeni besifundo, fundani oko kuseziqendwini, nize nifunde nezibhalo ukuba ixesha liyavuma.
Iveki Eqala NgoMeyi 23
◼ Iphepha 3-4: Ziziphi iimeko ezikhankanywe apha ezikhe zakuchaphazela ngokukhethekileyo? Yintoni ekubonisa ukuba ezi meko azikho kuphela kwindawo ohlala kuyo?
◼ Iphepha 5: Yintoni ekwenza uqiniseke ukuba uThixo usikhathalele ngokwenene? Yintoni enokubonisa indlela esimkhathalele ngayo uThixo noko akwenzayo?
◼ Iphepha 6-8: UMateyu 24:1-8, 14 uthi siyintoni isizathu seemeko ezikhoyo emhlabeni namhlanje? Njengoko kuboniswe kweyesi-2 kuTimoti 3:1-5, siphila kweliphi ixesha ngoku? Yimihla yokugqibela yantoni le? Yintoni ekuqinisekisa ukuba iBhayibhile ngokwenene liLizwi likaThixo? Bungantoni uBukumkani esishumayela ngabo?
◼ Iphepha 9-10: Kutheni sifanele sizihlolisise ngenyameko izigqibo zethu zemihla ngemihla noko kubalulekileyo ebomini bethu? (Roma 2:6; Gal. 6:7) Njengoko uhlolisisa imibuzo ekwiphepha 10, ziziphi izibhalo ozikhumbulayo ezixhasa oko ukwenzayo?
Iveki Eqala NgoMeyi 30
◼ Iphepha 11: Kutheni sifanele sizibuze le mibuzo ibuzwe kweli phepha? (1 Kor. 10:12; Efe. 6:10-18) Indlela esiyiphendula ngayo le mibuzo ityhila ntoni ngendlela esisigqala ngayo isiluleko sikaYesu esikuMateyu 24:44?
◼ Iphepha 12-14: Liliphi eli “lixa lokugweba” ekuthethwa ngalo kwiSityhilelo 14:6, 7? Kuthetha ukuthini ‘ukoyika uThixo nokumzukisa’? Iyintoni iBhabhiloni Enkulu, yaye kuza kwenzeka ntoni kuyo? Sifanele senze ntoni ngoku ngokuphathelele iBhabhiloni Enkulu? Yintoni enye into equkiweyo xa kwaxelwa kwangaphambili ngelixa lomgwebo? Kusichaphazela njani ukungazi “imini okanye ilixa” lomgwebo kaThixo ekuprofetwe ngawo? (Mat. 25:13)
◼ Iphepha 15: Yiyiphi le mbambano yolongamo ekuthethwa ngayo, yaye isichaphazela njani thina ngabanye?
◼ Iphepha 16-19: Ayintoni “amazulu amatsha nomhlaba omtsha”? (2 Pet. 3:13) Ngubani othembise ezi zinto? Amazulu amatsha nomhlaba omtsha aza kuzisa ziphi iinguqu? Ngaba thina ngabanye siza kuzuza kuzo?
Iveki Eqala NgoJuni 6
◼ Iphepha 20-1: UYesu wathini ngokusaba xa wayelumkisa abalandeli bakhe benkulungwane yokuqala? (Luka 21:20, 21) Babefanele basabe nini? Kutheni kwakubalulekile ukusaba ngokukhawuleza? (Mat. 24:16-18, 21) Kutheni abantu abaninzi bengazinanzi izilumkiso? Amawaka abantu baseTshayina nakwiiPhilippines baye bazuza njani ngokuphulaphula isilumkiso? Kutheni kubaluleke nakakhulu ukuphulaphula isilumkiso seBhayibhile ngokupheliswa kwale nkqubo yezinto? Ngokuphathelele oku, yiyiphi imbopheleleko esinayo? (IMiz. 24:11, 12)
◼ Iphepha 22-3: Kwakutheni ukuze abantu abaninzi bazityeshele izilumkiso zentlekele eOstreliya ngowe-1974 naseColombia ngowe-1985, yaye oko kwaphumela entwenini? Ucinga ukuba ngewawusabele njani kwezi zilumkiso, yaye ngoba? Yintoni enokubonisa ukuba ngesasisiphulaphule isilumkiso ngomhla kaNowa? Kwakutheni ukuze abantu bafune ukuphila kwiSodom yamandulo nakwizixeko ezikufuphi nayo? Sinokuzuza njani ngokucingisisa nzulu ngoko kwenzeka eSodom?
Iveki Eqala NgoJuni 13
◼ Iphepha 24-7: Sebenzisa “Imibuzo Yesifundo” kwiphepha 27.
Iveki Eqala ngoJuni 20
◼ Iphepha 28-31: Sebenzisa “Imibuzo Yesifundo” kwiphepha 31.
Ukufunda le ncwadana inemifanekiso kuza kusinceda ‘sihlale silindile’ size sihlale silungile. Ngamana oko sikushumayela entsimini kungabonisa ukungxamiseka kwesigidimi sengelosi eyathi: “Moyikeni uThixo nimzukise, kuba lifikile ilixa lokugweba kwakhe.”—Mat. 24:42, 44; ISityhi. 14:7.