IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 2/07 iphe. 1
  • Siphathiswe Ubuncwane

No video available for this selection.

Sorry, there was an error loading the video.

  • Siphathiswe Ubuncwane
  • Ubulungiseleli Bethu BoBukumkani—2007
  • Amanqaku Afanayo
  • Intliziyo Yakho Mayibe Kubuncwane Obufumene KuThixo
    IMboniselo Evakalisa UBukumkani BukaYehova (Efundwayo)—2017
  • Unokukufumana “Ukumazi UThixo”
    IMboniselo Evakalisa UBukumkani BukaYehova—2011
  • Lixabise Ilungelo Onalo Lenkonzo
    Ubulungiseleli Bethu BoBukumkani—2011
  • Ubutyebi Bethu, Ubulungiseleli Banamhla Bozuko
    IMboniselo Evakalisa UBukumkani BukaYehova—1990
Khangela Okunye
Ubulungiseleli Bethu BoBukumkani—2007
km 2/07 iphe. 1

Siphathiswe Ubuncwane

1 Umpostile uPawulos walugqala njengolubalulekileyo uthumo awayelunikwe nguThixo lokushumayela, ibe waluchaza ngokuthi ‘bubuncwane.’ (2 Kor. 4:7) Wanyamezela ubunzima nentshutshiso ephumeza olo thumo. Wayengadinwa kukushumayela kuye nabani na adibana naye. Wahamba imigama emide kwiindlela eziyingozi emhlabeni naselwandle. Sinokumxelisa njani uPawulos size sibonise ukuba siyabuxabisa ubulungiseleli bethu? (Roma 11:13) Yintoni eyenza ubulungiseleli bethu bube bubuncwane obungenakuthelekiswa nanto?

2 Ubuncwane Obunexabiso Elikhulu: Ubuncwane basemhlabeni budla ngokuza neenzingo kwaye iingenelo zabo zincinane okanye zezexeshana. Kwelinye icala, ubulungiseleli bethu buneengenelo ezihlala zihleli kuthi nakwabanye. (1 Tim. 4:16) Bunceda abantu abanyanisekileyo ukuba bamazi uYehova, benze utshintsho olukhulu ebomini babo, baze babe nethemba lokwenene lobomi obungunaphakade. (Roma 10:13-15) Xa sibugqala njengento enexabiso elikhulu ubulungiseleli bethu, siba nenjongo ebomini, siziva siphumeze okuthile, kwaye siba nethemba ngekamva.—1 Kor. 15:58.

3 Bonisa Ukuba Uyabuxabisa Ubuncwane Bakho: Ixabiso lento lidla ngokubonakala koko sikulungeleyo ukukuncama ukuze siyifumane. Kulilungelo ngokwenene ukuchitha ixesha namandla sidumisa uYehova! (Efe. 5:16, 17) Indlela esilichitha ngayo ixesha lethu ifanele ibonise ukuba sithanda izinto zokomoya kunezinto eziphathekayo. Ekubeni sinikwe into enexabiso elikhulu esifanele siyidlulisele ebantwini, sifuna ukushumayela ngehlombe kwaye siwaxhakamfule onke amathuba okuxelela abantu ngeendaba ezilungileyo.

4 Ubuncwane budla ngokungafihlwa, kodwa kuye kwenziwe imiboniso ukuze abantu babubone. Ukuba sigqala ubulungiseleli bethu njengobuncwane, buya kuba yinxalenye ebalulekileyo yobomi bethu. (Mat. 5:14-16) Ngeentliziyo ezizaliswe ngumbulelo, ngamana singasoloko simxelisa umpostile uPawulos ngokusebenzisa onke amathuba avelayo okubonisa ukuba sibuxabisa ngokwenene ubulungiseleli bethu, kwaye sibugqala njengobuncwane.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share