Indlela Yokusebenzisa Ifomu Ethi Nceda Ubuyele (S-43)

Le fomu ufanele uyizalise xa ufumana umntu onomdla ongahlali kwintsimi yenu okanye othetha ulwimi lwasemzini. Nangona besikade siyisebenzisa xa sidibana nomntu othetha ulwimi lwasemzini, enoba unomdla okanye akunjalo, ngoku siyisebenzisa xa sithethe nomntu onomdla kuphela, ngaphandle kokuba sidibana nomntu osisithulu. Ukuba sidibana nomntu osisithulu, enoba unomdla okanye akunjalo, sifanele siyizalise le fomu.

Simele senze ntoni emva kokuba siyizalisile? Sifanele siyinike unobhala webandla. Ukuba uyalazi ibandla afanele ayithumele kulo, unokuyithumela kubadala belo bandla ukuze bakwazi ukumnceda loo mntu. Ukuba akalazi ibandla anokuyithumela kulo, ufanele ayithumele kwiofisi yesebe.

Ukuba loo mntu unomdla uthetha ulwimi lwasemzini yaye uhlala kwintsimi yakho, unokuqhubeka ubuyela kuye ukuze umdla wakhe ungapheli de adibane nomvakalisi okwibandla elithetha ulwimi lwakhe.—Funda Ubulungiseleli Bethu BoBukumkani bukaNovemba 2009, iphepha 4.