Lukwimeko Enjani Uncwadi Oza Kuluhambisa?

Lo ngumbuzo esifanele sizibuze wona ngalo naluphi na uncwadi esiceba ukuluhambisa. Naluphi na uncwadi olugobileyo, olumbhatshileyo, olumdaka, okanye oludlakadlaka aluyi kuyimela kakuhle intlangano yaye lunokumphazamisa umninimzi ekubeni afumane isigidimi salo esibalulekileyo nesisindisa ubomi.

Sinokulugcina njani uncwadi lwethu lucocekile? Abantu abaninzi bancedwa kukuzilungisa kakuhle ibhegi zasentsimini baze balubeke ndawonye uncwadi olufanayo. Ngokomzekelo, kwiibhegi zabo baba nendawo yeencwadi zodwa, eyamaphephancwadi neencwadana ezinemifanekiso, baze babe neyamaphecana odwa, njalo njalo. Nanini na xa bebuyisela uncwadi lwabo ebhegini, balufaka ngocoselelo ukuze lungonakali. Abanye abavakalisi bagcina uncwadi lwabo kwizingxobo ezenzelwe uncwadi okanye kwiibhegi zeplastiki ezenziwe kakuhle. Enoba injani into esiphatha ngayo uncwadi, asifuni kukhubekisa namnye kubulungiseleli bethu ngokumnika uncwadi olonakeleyo.—2 Kor. 6:3.