Iingqekembe Ezimbini Ezingenaxabiso Lingako

Enye indlela ebalulekileyo esixhasa ngayo izilangazelelo zoBukumkani kukuba sinikele ngemali ukuze sixhase umsebenzi wokushumayela owenziwa ehlabathini. Kuthekani ukuba asinamali?

Ngesinye isihlandlo uYesu wabona umhlolokazi olihlwempu enikela etempileni ngeengqekembe ezimbini ezixabiso lincinane. Uthando ngoYehova lulo olwamshukumisela ukuba anikele “ekusweleni kwakhe, . . . konke abenako, ukuphila kwakhe.” (Marko 12:41-44) UYesu wakuphawula oku, yaye ukuthetha kwakhe ngako kubonisa ukuba ukunikela kwakhe kwakuxabiseke kakhulu emehlweni kaThixo. Ngokufanayo, amaKristu enkulungwane yokuqala awazange akugqale kuyimbopheleleko yamaKristu azizityebi kuphela ukunikela ukuze kuxhaswe ubulungiseleli. Umpostile uPawulos wakhankanya umzekelo wamabandla aseMakedoni awathi, nangona ‘ayengamahlwempu, abongoza kakhulu ukuba abe nelungelo lokunikela ngobubele.’—2 Kor. 8:1-4.

Ngenxa yoko, ukuba sinokunikela ‘ngeengqekembe ezimbini ezingenaxabiso lingako’ sifanele sikhumbule ukuba iminikelo emincinane inokudityaniswa de ibe ngumnikelo omkhulu. Ukunikela ngokusuka entliziyweni kuya kumvuyisa uBawo wethu wasezulwini, kuba “uThixo uthanda umphi ochwayitileyo.”—2 Kor. 9:7.