Izaziso

◼ Uncwadi oluza kuhanjiswa ngoJulayi nangoAgasti: Unako Ukuba Ngumhlobo KaThixo! nethi Indlela Esa Kubomi Obungunaphakade—Ngaba Sele Uyifumene? okanye nayiphi na incwadana ehanjiswa entsimini eninayo esitokhweni. NgoSeptemba nango-Oktobha: Ngamaphephancwadi iMboniselo noVukani! Xa nisenza amabuyelo bonisa umninimzi incwadi ethi Okufundiswa YiBhayibhile okanye, ukuba kufaneleke ngokungakumbi ngokweentswelo zomntu, incwadana ethi Phulaphula UThixo Uze Uphile Ngonaphakade.

◼ Culela UYehova—Amazwi, icwecwe 5 iya kufumaneka ukuze ikhutshelwe kwiWebhsayithi i-jw.org ukususela ngoAgasti 1. Ekuqaleni iya kufumaneka ngesiNgesi, zize ezinye iilwimi zilandele kamva. IiCD ninokuzioda emabandleni enu. Ngenxa yokuba kungabizi kangako ukukhuphela la maculo kwiWebhsayithi yethu, abo banokukwazi ukukhuphela la maculo besebenzisa yona sikhuthaza ukuba benze njalo. Icwecwe 1-4 sele efumaneka.

◼ Kucwangciso lweveki engaphambi kwendibano yesithili ninokwenza uhlengahlengiso ukuze nihlole iziluleko nezikhumbuzo eziphathelele indibano. Emva kwenyanga okanye ezimbini emva kwendibano, kunokusetyenziswa ixesha leemfuno zebandla ukuze kwenziwe impinda yeengongoma zendibano eziya kubanceda entsimini abavakalisi.

◼ Nanini na uceba ukuya kufumana indibano yesithili kwenye indawo, unokufumana amacebiso anokuba luncedo kwiWebhsayithi i-jw.org ngokucofa ilinki ethi “Conventions” phantsi kwecandelo elithi “Lookup”.