Xelela Abanye Ngezinto Ozifundileyo

Xa sifunda sinokuhlaziyeka, kodwa sinokuhlaziyeka nakakhulu xa sixelela abanye ngezinto ezikhuthazayo esizifundileyo. IMizekeliso 11:25 ithi: “Nabani na ohlaziya abanye, uza kuhlaziywa.”

Xa sixelela abanye ngezinto esizifundileyo, kuza kuba lula ukukhumbula izinto esizithandileyo size siye siziqonda bhetele. Siyakuvuyela ukuncokola nabo ngazo kuba siyazi ukuba zinokubanceda.​—IZe. 20:35.

Khawuzame le nto: Kule veki izayo, khawujonge ukuba akukho nto inokukwenza ukwazi ukuncokola nomnye umntu ngento oyifundileyo. Isenokuba ngumntu wakokwenu, osebandleni, osebenza naye, ofunda naye, ummelwane wakho, okanye umntu odibana naye entsimini. Zama ukumxelela loo nto uyifundileyo ngamazwi akho, ngendlela elula necacileyo.

Khumbula le nto: Sukuxelela abanye ngezinto ozifundileyo kuba ufuna babone ukuba wazi kangakanani, baxelele kuba ufuna ukubakhuthaza.​—1 Kor. 8:1.