Ngaba Ukukhotyokiswa Butywala Kuyafuzwa?

Kwimeko yabanye abantu, izazinzulu zicinga ukuba utyekelo lokukhotyokiswa butywala lusenokudluliselwa luphawu oluthile lwemfuza, ngokutsho kohlolisiso olubhalwe kwiThe Journal of the American Medical Association. Luthi luye lwalufumana uphawu lwemfuza olubeka abantu engozini yokuba ngamakhoboka otywala. Noko ke, izazinzulu zilumkisa ngelokuba asilophawu olunye lwemfuza olukhokelela abantu ekubeni ngamakhoboka otywala. Intloko yeqela ebelisenza olu hlolisiso yathi: “INkosi elungileyo ayizange yenze uphawu lwemfuza olubangela abantu babe ngamakhoboka otywala, kodwa yenza olubonakala lubandakanyekile kwimikhwa yokufuna uyolo.”

Le ngxelo iqhubeka isithi: “Abaphandi bathi asilophawu olunye lwemfuza, kuquka nolu, olubangela zonke iindlela zokukhotyokiswa butywala. Abanye abantu abanolu phawu lwemfuza abaluhlolisisayo abazange babe ngamakhoboka otywala, ngoxa abanye ababengenalo olu phawu lwemfuza baba ngamakhoboka otywala . . . Oothunywashe abangokwasentlalweni nabangokwezithethe basenokubangela ukuba abantu abaninzi babe ngamakhoboka otywala.”