Ngaba Kwadalwa?
Inqina Lengabangaba
◼ Ingabangaba liyakwazi ukuma emkhenkceni kodwa lingagodoli. Yintoni ebangela ukuba lihlale lifudumele? Lincedwa ngumthambo oguquguqula ubushushu.
Khawucinge ngoku: Kufuphi nomthambo oguquguqula ubushushu onolwelo olushushu kukho omnye umthambo onolwelo olubandayo. Xa ulwelo olukule mithambo mibini lusiya calanye, ubushushu abuphumi bonke. Kodwa xa ulwelo olukule mithambo lusiya kumacala angafaniyo, ubushushu buphuma phantse bonke.
Igazi lifika libande kakhulu emanqineni engabangaba kodwa liyafudumala kwakhona xa linyuka. UGary Ritchison, osisazinzulu ngokuphathelele iintaka ezihlala kwiindawo ezibandayo, uthi: “Ukuguquguqulwa kobushushu kwimizimba yezi ntaka kuyingenelo yaye kwenzeka ngendlela engummangaliso kangangokuba abantu baye basebenzisa indlela efanayo xa besakha oomatshini abathile ukuze kulondolozwe amandla.”
Ucinga ntoni? Ngaba oku kuguquguqulwa kobushushu kumanqina engabangaba kwazenzekela? Okanye ngaba kwadalwa?a
[Umbhalo osemazantsi]
a Amandla okuguquguqula ubushushu akho nasebantwini, kwiintlobo ngeentlobo zeentlanzi nakwezinye izilwanyana.
[Umzobo/Imifanekiso ekwiphepha 25]
(Ukuba ufuna inkcazelo ehlahlelwe kakuhle, yiya kwimpapasho)
Imithambo yengabangaba ifudumeza igazi xa linyuka
[Umzobo]
32°C
0-5°C
[Inkcazelo Ngomfanekiso okwiphepha 25
Seagull: © Michael S. Nolan/age fotostock