Ngaba Kwadalwa?

Uhambo Lwebhabhathane

◼ Lisebenzisa ubuchopho balo obuphantse bulingane nentloko yosiba lokubhala, ibhabhathane elibizwa ngokuba yimonarch lihamba umgama omalunga nama-3 000 eekhilomitha, lisuka eKhanada liye kwihlathana laseMexico. Liyazi njani indlela eya apho?

Khawucinge ngoku: Iimonarch zikhokelwa ngumjikelo welanga. Kodwa akuphelelanga apho. Ngokwendlela ezidalwe ngayo ezi zinambuzane ziyakwazi ukuhambisana ngqo nelanga. UGqr. Steven Reppert, oyingcali ngokusebenza kwemithambo-luvo uthi, indlela la mabhabhathane “alilandela ngayo ilanga yahluke ngokupheleleyo kweyazo zonke izinambuzane nezilwanyana esele zihlolisisiwe.”

Njengoko ziya zifunda indlela iimonarch ezikwazi ngayo ukulandela ilanga, izazinzulu ziya kutsho zihlolisise nendlela le nkqubo esebenza ngayo ebantwini nakwizilwanyana. Kuya kutsho kufumaneke neendlela ezintsha zokunyanga iingxaki zemithambo-luvo. Lo kaReppert uthi: “Ndifuna ukuqonda indlela ingqondo efumana nesebenzisa ngayo inkcazelo ephathelele ixesha nendawo, yaye imonarch ngowona mzekelo ubalaseleyo.”

Ucinga Ntoni? Ngaba obu buchule lihamba ngabo eli bhabhathane bazenzekela? Okanye ngaba babangelwa nguMdali okrelekrele?

[Umzobo/Imaphu ekwiphepha 10]

(Ukuba ufuna inkcazelo ehlahlelwe kakuhle, yiya kwimpapasho)

I-“monarch” ihamba umgama omalunga nama-3 000 eekhilomitha, isuka eKhanada iye kwihlathana laseMexico

[Imaphu]

CANADA

UNITED STATES OF AMERICA

MEXICO

MEXICO CITY

[Inkcazelo Ngomfanekiso okwiphepha 10]

Background: © Fritz Poelking/age fotostock