Ngaba Sadalwa?

Isikhumba Sikakrebe

● Ungathi isikhumba sikakrebe sigudile xa usijongile. Kodwa ukuba unokusiva ngesandla—uqiniseke nje ukuba ukhuselekile—uya kufumanisa ukuba eneneni isikhumba sikakrebe sirhwexa okwesandpaper, ingakumbi xa uhambisa isandla sakho kuso, ukusuka emsileni ukuya ngasentloko.a

Khawucinge ngoku: Esi sikhumba sinamaxolo amancinane anemiqolo sinceda ukrebe ngeendlela ezimbini. Okokuqala, sidlulisa amanzi, nto leyo eyenza ukrebe angasokoli xa edada. Okwesibini, la maxolo ayagoba njengoko ukrebe edada, nto leyo eyenza ukuba ezinye izilwanyana eziphila ngokrebe zingahlali kuye.

Isikhumba sikakrebe sinceda kwizinto ezininzi. Ngokomzekelo, izazinzulu sele zenze iimpahla zokudada ezifana nesikhumba sikakrebe, ezenza ukuba lowo uzinxibileyo adade ngesantya esiphezulu ngesithathu ekhulwini kunesantya esiqhelekileyo. Zicinga nokuba esi sikhumba sinokuzinceda zenze iimoto namaphenyane akwaziyo ukusik’ umoya.

Kanti abaphengululi banethemba lokuba bangafunda okuthile kwindlela isikhumba sikakrebe esizigxotha ngayo iintsholongwane ngokuthi benze ipeyinti yamaphenyane egxotha iintsholongwane nengazi kungcolisa amanzi nomoya njengaleyo isetyenziswa ngoku nenamasuntswana entsimbi. Ezinye izinto esinceda kuzo esi sikhumba ngamayeza kwakunye nezixhobo eziza kunciphisa ingozi yezigulo ezifunyanwa esibhedlele.

Ucinga ntoni? Ngaba isikhumba sikakrebe—esimenza abe nesantya esiphezulu, nesimkhusela kwiintsholongwane—sabakho ngamabona-ndenzile? Okanye ngaba sadalwa?

[Umbhalo osemazantsi]

[Umfanekiso okwiphepha 10]

Umfanekiso owandisiweyo wamaxolo kakrebe

[Inkcazelo Ngemifanekiso ekwiphepha 10]

Scales: © Eye of Science/Photo Researchers, Inc.; shark: © Image Source/age fotostock