Iphiko Elitsala Amanzi Loqongqothwane WaseNamibhiya

● Malunga nabantu abangama-900 ezigidi ehlabathini lonke abanawo amanzi okusela acocekileyo. Kwiindawo ezininzi idla ngokuba ngabafazi nabantwana abahamba imigama emide besiya kukha amanzi. UShreerang Chhatre, oyinjineli kwiZiko Lobugcisa LaseMassachusetts uthi: “Ndicinga ukuba imbi le nto yokuba amahlwempu echitha iiyure ngosuku ukuze nje afumane izinto ezisisiseko.” Kwilinge lokunceda kule nkalo, uChhatre nabanye asebenza nabo bazama ukusebenzisa inzululwazi ukuze batsale amanzi enkungwini, ibe indlela yokwenza oko bayifunda kuqongqothwane waseNamibhiya.

Khawucinge ngoku: Ntsasa nganye, kubakho inkungu kwintlango yaseNamibhiya eAfrika. Uqongqothwane walapho usebenzisa elo thuba lifutshane ngokuma kwindawo efanelekileyo emoyeni.a Amaqhuma asemaphikweni alo qongqothwane enziwe ngezinto ezitsala ukufuma. Oko kufuma kuye kudibane kuze kube ngamathontsi. La mathontsi athi akuba nzima, umxhuzulane uqalise ukusebenza, uwenze abaleke phakathi kwaloo maqhuma, ehle aye kungena emlonyeni walo qongqothwane.

UChhatre nabo asebenza nabo bafuna ukusebenzisa le nkqubo ukuze abantu bafumane amanzi okusela. Kakade ke, abantu bafuna amanzi amaninzi kunalawo afunwa ngulo qongqothwane ukuze aphile. Kulucelomngeni olungathethekiyo ukufumana imali yokwenza loo msebenzi. UChhatre uthi, into yokutsalela abantu amanzi enkungwini “iseyinto yexesha elizayo.”

Ucinga ntoni? Ngaba iphiko elitsala amanzi likaqongqothwane waseNamibhiya labakho nje ngamabonandenzile? Okanye ngaba layilwa?

[Umbhalo osemazantsi]

[Umfanekiso okwiphepha 22]

Amathontsi ayaqokelelana aze abalekele emlonyeni kaqongqothwane

[Inkcazelo Ngomfanekiso okwiphepha 22]

Photo: Chris Mattison Photography/photographersdirect.com