Iqokobhe Lenkumba

● “Izidalwa ezininzi zaselwandle ziyakwazi ukuvelisa ukukhanya.” Inkumba ekuthiwa yiclusterwink ibusebenzisa ngendlela emangalisayo obu buchule. Xa ihlaselwa ngunonkala, le nkumba ithi tshwa eqokobheni ize “ikhuphe,” ukukhanya okuqaqambileyo okumtsho ankwantye unonkala. Kodwa oku kukhanya kuvela njani kwiqokobhe lale nkumba?

Cinga ngoku: Kunokuba likusithe ukukhanya, iqokobhe lale nkumba liyakukhupha. UDimitri Deheyn noNerida Wilson, izazinzulu kwiScripps Institution of Oceanography eseSan Diego, eKhalifoniya, eUnited States, bafumanisa ukuba ukukhanya okuveliswa yile nkumba kubengezela kulo lonke iqokobhe layo, yaye iiseli zikwenza kubengezele ngokuphindwe kalishumi kunoko kwezibane ezithengiswayo ezilingana nezeli qokobhe (0.5 mm). Kwangaxeshanye, ubuchule bale nkumba bokukhupha ukukhanya kwindawo eyingqongileyo kukuphinda kasibhozo oko kwenziwa ngabantu. Into emangalisayo kukuba oku kukhanya kubalaseleyo kweqokobhe lale nkumba akufumaneki kwezinye iintlobo zeenkumba ezifana nayo. La asingomabona-ndenzile kuba lo ngowona mbala wokukhanya uhamba umgama omde kumanzi olwandle.

UGqirha Deheyn uthi ukufunda ngeclusterwink “kunokunceda kuphucule indlela yokwakha izinto zokukhanyisa.” Neendlela zonyango ezisebenzisa ukukhanya zinokuxhamla kolu phando. Kweli xesha lobuceducedu bokukhanyisa kungaveliswa nezixhobo zokukhanyisa eziya konga umbane.

Ucinga ntoni? Ngaba iqokobhe lale nkumba labakho ngamabonandenzile? Okanye ngaba layilwa?

[Umfanekiso okwiphepha 18]

Ukukhanya kweqokobhe okwenziwe kwabonakala kakuhle

[Umfanekiso okwiphepha 18]

Iqokobhe lenkumba elenziwe labonakala kakuhle libengezelisa ukukhanya

[Inkcazelo Ngemifanekiso ekwiphepha 18]

Left: www.robastra.com; center and right: Courtesy of Dr. D. Deheyn, Scripps Institution of Oceanography, UC San Diego