Intshayelelo
Akakho umntu onokuthi akazange wachatshazelwa yenye yezi zinto ezibuhlungu, ezifana nokugula, ingozi, intlekele okanye ubudlobongela.
Abantu bafuna ukwazi ukuba kutheni sizenzeka ezi zinto.
Abanye abantu bakholelwa ukuba izinto ezenzeka kubo kwakugqitywe kwakudala ukuba ziza kwenzeka, okanye bathi abanakuziphepha ngokupheleleyo izinto ezenzekayo kubo.
Kanti abanye bakholelwa ukuba izinto ezenzekayo kuthi zibangelwa zizinto esasizenza ngaphambili.
Ezi zinto zibuhlungu zenzekayo zisoloko zishiya abantu benemibuzo emininzi kuneempendulo.