Bonisa Uthando Ebantwini

Ingxaki

Ukuba nomkhethe akukhawulezi kuphele. Njengokuba kuthatha ixesha ukuphelisa isifo esithile, kuthatha ixesha nokuyeka ukuba nomkhethe. Ungenza njani ukuze uphelise umkhethe xa unawo?

Umgaqo WeBhayibhile

Umfanekiso: 1. Indoda yaseAsia ibambele enye indoda emnyama umnyango kuba ephethe ikofu esandleni. 2. Le ndoda imnyama iphunga kunye nabantu asebenza nabo, kunye nalaa sisi waseIndiya.

“Nxibani uthando, kuba lubamanyanisa ngokupheleleyo abantu.” —KOLOSE 3:14.

Ithetha ukuthini le nto? Ukwenzela abantu izinto ezintle kunokukwenza usondelelane nabo. Xa sibonisa abantu ukuba siyabathanda, umkhethe uya uphela kuthi. Xa uqhele ubonisa uthando ebantwini, uza kuyeka ukubacingela kakubi.

Into Onokuyenza

Umfanekiso: 1. Umntu waseIndiya uphathise umakhulu wolunye uhlanga ukuze akwazi ukunyuka kakuhle izitepsi. 2. La makhulu umhlophe besithethe ngaye uzise izinto azibhakileyo kummelwane wakhe nangona eyindoda yaseAsia.

Cinga ngezinto ezintle onokubenzela zona abanye abantu abajongelwa phantsi. Akunyanzelekanga ibe zizinto ezinkulu. Nazi ezinye izinto onokuzenza:

Nantoni na oyenzayo ngothando, noba incinci kangakanani na, iza kukunceda ungabinawo umkhethe

Babonise imbeko ngokubavulela ucango nangokubancamela indawo ohleli kuyo emotweni xa nikhwele nonke.
Zama ukuncokola nabo ngento nje elula, noba abakaluqondi kakuhle ulwimi lwakho.
Ungakhawulezi ucaphuke xa besenza izinto ongaziqondiyo.
Zifake ezihlangwini zabo xa bekubalisela iingxaki zabo.