IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • je iphe. 18-19
  • Ukuvuya Nokudumisa UThixo Kwiindibano

No video available for this selection.

Sorry, there was an error loading the video.

  • Ukuvuya Nokudumisa UThixo Kwiindibano
  • AmaNgqina KaYehova—Enza Ukuthanda KukaThixo Zwenibanzi
  • Amanqaku Afanayo
  • Iindibano Ubungqina Bobuzalwana Bethu
    AmaNgqina KaYehova—Abavakalisi Bobukumkani BukaThixo
  • UYehova Uyabahlanganisa Abantu Bakhe Abanovuyo
    IMboniselo Evakalisa UBukumkani BukaYehova—2012
  • Amangqina KaYehova Aza Kuba Neendibano Zezizwe Ngezizwe
    IMboniselo Evakalisa UBukumkani BukaYehova—1997
  • Iindibano Ezibakho Qho Ngonyaka Zisinika Ithuba Lokubonisa Uthando
    Ubomi BamaKristu Nomsebenzi Wokushumayela—Incwadi Yentlanganiso—2021
Khangela Okunye
AmaNgqina KaYehova—Enza Ukuthanda KukaThixo Zwenibanzi
je iphe. 18-19

Ukuvuya Nokudumisa UThixo Kwiindibano

Ukususela kwasekuqalekeni kweminyaka yee-1880 aBafundi BeBhayibhile babona ukuba, ukongezelela kwiintlanganiso zasekuhlaleni, kwakuya kuba yingenelo kubo ukuba baqhelane namakholwa angoowabo asuka kweminye imimandla. Ngoko baqalisa ukulungiselela iindibano zeminyaka ngeminyaka zaBafundi BeBhayibhile abasuka kulo lonke elaseUnited States, yaye kamva kwanabasuka eKhanada. La yayingamathuba okuhlaziyeka ngokomoya; kunikelwe nemfundo yeBhayibhile ebanzi iintsuku eziliqela, ibe bonke banandipha ukukhuthazana okuchwayitisayo. Ukubhaptizwa kwamakholwa amatsha kwaba yinkalo ethe rhoqo kwiindibano. Iindibano zakwasetyenziselwa ukunikela ubungqina ngokubanzi ngakumbi kuwonke wonke.—Roma 1:11, 12.

Namhlanje amaNgqina kaYehova anandipha iindibano ngokuthe rhoqo. Ngokuqhelekileyo malunga namabandla ali-18 ukuya kwangama-25 ahlanganiswa kunye abe koko kubizwa ngokuba ziziphaluka, ezithi zityelelwe okanye zikhonzwe, ngabaveleli abahambahambayo. Kabini ngonyaka, kulungiselelwa iindibano apho amabandla akwisiphaluka, okanye inxalenye yeso siphaluka, ahlanganisana kunye ngoMgqibelo yaye/okanye nangeCawa.

Kanye ngonyaka, kulungiselelwa kwilizwe ngalinye iindibano zeentsuku ezintathu okanye ezine nezibizwa ngokuba ziindibano zesithili, apho amawaka anokuhlanganisana kunye ndaweninye. Ezi ndibano ziwakha ngokomoya amaNgqina kaYehova nabanye abanomdla kwimisebenzi yawo, ibe zikwanikela ubungqina kuwonke wonke.

Ucwangciso lwezi ndibano lulungiselelwa liQumrhu Elilawulayo lamaNgqina kaYehova yaye lusekelwe kwiimfuno zamaNgqina zwenibanzi. Lubunjwe ziintetho, iingxubusho, kwanemiboniso eyiyeyokwenyaniso ebomini, konke oku kunikelwa ngabaveleli abahambahambayo namaNgqina afanelekileyo avela emabandleni. Abantu abahlukahlukeneyo kwakhona babalisa amava angendlela abahlangabezana ngayo nocelomngeni lokuphila njengamaKristu kwihlabathi elingenaThixo okanye ngemiphumo ababanayo kubulungiseleli. Kwiindibano zesithili kukwakho nenkalo eyongezelelekileyo—imidlalo yeqonga echaza ngabantu beBhayibhile okanye imidlalo yeqonga echaza ngezinto zale mihla, ebonisa indlela amaKristu ahlangabezana ngayo neengxaki ajamelana nazo namhlanje.

Kwakhona kulungiselelwa izidlo nezimuncumuncu, ngomnikelo omncinane. Oku kuvulel’ ithuba lokudlelana okuvuyisayo xa iintlanganiso zinqumamile. Wonk’ umsebenzi obandakanyekileyo ekuqhubeni lo msebenzi wenziwa ngabasebenzi bokuzithandela abangamaNgqina kaYehova. Iindleko zendawo yendibano nezinye iindleko zigutyungelwa ngeminikelo yokuzithandela. Kungenwa ngesisa, yaye akukho nkongozelo.

Unokubuza kwibandla lasekuhlaleni lamaNgqina kaYehova ukuba ezi ndibano ziya kuba nini yaye phi kummandla okuwo. Kwakhona uya kunikwa inkcazelo ngawo nawaphi na amalungiselelo okuhamba, kwanangendlela yokufumana amagumbi okulala.

Ezi ndibano zinceda amaNgqina kaYehova nabo bonke abanxulumana nawo ukuba babone ngaphaya kwebandla lasekuhlaleni baze baxabise umanyano luphela lwabazalwana bawo abasehlabathini.—1 Petros 2:17.

• Ziziphi iingenelo aBafundi BeBhayibhile bangaphambili abazizuzayo kwiindibano zabo?

• Chaza ilungiselelo nocwangciso lweendibano zesiphaluka nezesithili.

[Imifanekiso ekwiphepha 18]

Umdlalo weBhayibhile kwindibano yesithili, eUnited States

Indibano yezizwe ngezizwe, ePoland

Indibano yezizwe ngezizwe, eArgentina

Indibano yesiphaluka, eJapan

Abeze kwindibano befumana uncwadi lweBhayibhile, eSwitzerland

Ubhaptizo kwindibano yezizwe ngezizwe, eMzantsi Afrika

Ukukhutshwa kwempapasho entsha yeBhayibhile, eKhanada

Abeze kwindibano bathelela ekuvumeni ingoma, eSpeyin

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share