ICANDELO 9

Iza Kubakho Nini IParadesi?

Iinkathazo ezisemhlabeni zingqina ukuba uBukumkani bukaThixo busemnyango. Luka 21:10, 11; 2 Timoti 3:1-5

Izinto ezixhaphakileyo kule mihla yokugqibela—ukungcakaza, imfazwe, izifo, ukunqaba kokutya, ukungathotyelwa kwabazali namadoda abetha abafazi bawo

Izinto ezininzi ezenzeka namhlanje zaxelwa kwangaphambili eBhayibhileni. Yathi abantu baya kuthanda imali, bangabathobeli abazali, babe ziindlobongela baze bathande iziyolo.

Kwakuya kubakho iinyikima zomhlaba ezinkulu, iimfazwe, ukunqongophala kokutya kuze kwande izifo. Ezo zinto zenzeka ngoku.

INgqina LikaYehova lishumayela iindaba ezilungileyo zoBukumkani kwenye indoda

Kwakhona, uYesu wathi iindaba ezilungileyo zoBukumkani ziya kushunyayelwa kuwo wonke umhlaba.—Mateyu 24:14.

UBukumkani buya kutshabalalisa bonke ubungendawo. 2 Petros 3:13

Abantu ababi batshatyalaliswa eArmagedon, emva koko uSathana needemon zakhe bayohlwaywa

Kungekudala uYehova uza kubatshabalalisa bonke abangendawo.

USathana needemon baza kohlwaywa.

UYesu uhleli etroneni yakhe ezulwini, abantu abaziintlanga ezahlukeneyo bonwabile

Abo bamphulaphulayo uThixo baza kusindela kwihlabathi elitsha elinobulungisa, apho kungasayi kubakho loyiko, nalapho abantu beya kuthembana baze bathandane.