ISIFUNDO 11

Yiba Nehlombe

Roma 12:11

INTO OMELE UYENZE: Thetha uzimisele ukuze abantu abakumameleyo babe nomdla wento oyithethayo.

Yithande. Njengoko ulungiselela, cinga ngokuba ibaluleke ngantoni loo nto uza kuyithetha. Yilungiselele kakuhle ukuze xa uyithetha isuke entliziyweni.
Cinga ngabantu abaza kukumamela. Cinga ngendlela loo nto uza kuyifunda okanye uza kuyifundisa eza kubanceda ngayo abanye abantu. Cinga nangendlela oza kuyithetha ngayo, ukuze abantu abakumameleyo bayithande loo nto ubafundisa yona.
Yenze iphile into othetha ngayo. Xa uthetha zimisele. Sebenzisa iingalo nobuso ukuze ubonise ukuba uyayiva le nto uyithethayo.

Ungathethi okanye wenze into enye xa ufundisa, baze abantu abakumameleyo baphazanyiswe yiyo. Yiba nguwe. Yiba nehlombe xa ufundisa into ebalulekileyo naxa ufuna abantu abakumameleyo benze into ngaloo nto uyifundisayo. Sukubaphazamisa abantu abakumameleyo ngokuba nehlombe kuyo yonke into xa ufundisa.