ISIFUNDO 18

Bashiye Benento Abayifundileyo Abantu

1 Korinte 9:19-23

INTO OMELE UYENZE: Yenza abantu abakumameleyo bacinge uze ubashiye benento abayifundileyo.

Cinga ngezinto abasele bezazi abantu. Kunokuba ubafundise into abasele beyazi, bafundise into entsha.

Khawuleza ugqithe kwizinto abazaziyo, uze ucothe kwizinto ezintsha.
Phanda uze ucingisise. Ukuba kunokwenzeka, yongeza nezinto abangazaziyo abantu okanye into esandul’ ukwenzeka ukuze into oyifundisayo icace. Cinga nzulu ngendlela loo nto uyiphandileyo edibana ngayo nale uza kuyifundisa.

Njengoko ulungiselela, nawe lola eyakho ingqondo ngokuzibuza le mibuzo, ‘yintoni, kutheni, nini, phi, ngubani, njani.’ Yenze ibangele umdla intetho yakho ngokubuza uze uphendule eminye yale mibuzo.
Babonise indlela enokubanceda ngayo. Babonise indlela abanokuzisebenzisa ngazo iZibhalo ozifundileyo kubomi babo. Thetha ngeemeko, ngendlela yokucinga nezinto ezenziwayo ngabantu, abazaziyo abantu abakumameleyo.