Ukuzala Okubonakalisa Inkathalo Kweli Xesha Lesiphelo
“Besongamela kakuhle abantwana.”—1 TIMOTI 3:12.
1. Nguwuphi umnqweno wemvelo anawo amabhinqa amaninzi, yaye lo mnqweno ubonakala njani xa esakhula?
UVUYO lokuba ngumzali luyinto engenakukhanyelwa. Ukufuna ukuba ngumama kuyinto yokwemvelo, nangona kunamandla angakumbi kumabhinqa athile kunokuba kunjalo kwamanye. Kumazwe amaninzi aseNtshona, amakhwenkwana akuthanda ngakumbi ukudlala ngezinto ezinjengeenqwelo, ngoxa ngokuqhelekileyo iintwazana zikhetha ukudlala ngonoodoli, abathi abantu abenza izinto zokudlala bazame ukubenza babonakale bengabantu kangangoko kunokwenzeka. Amantombazana amaninzi akhangele phambili kumhla aya kuthi ngawo akwazi ukuwola, kungekhona unodoli, kodwa usana lwawo oluphilileyo, olufudumeleyo noludlamkileyo.
Uvuyo Neembopheleleko
2. Abazali bamele balujonge njani usana olusandul’ ukuzalwa, yaye yintoni abamele balungele ukuyiqalisa?
2 Ukuzala okubonakalisa inkathalo kufuna ukuba abazali baqwalasele usana olusandul’ ukuzalwa kungekhona njengento yokudlala kodwa njengesidalwa esibomi baso nekamva laso ziya kubenza baphendule kuMdali. Xa besizisa umntwana ehlabathini, abazali bamele bakulungele ukwamkela imbopheleleko enkulu baze bahlengahlengise ngokuvisisana nayo. Baqalisa ucwangciso oluya kuthabatha ama-20 eminyaka lokulondla, lokulunxibisa, lokunyamekela impilo yalo nolokulufundisa, cwangciso olo imiphumo yalo yokugqibela engenakwaziwa okwangoku.
3. Kutheni amazwi eMizekeliso 23:24, 25 enokusetyenziswa kubazali abaninzi abangamaKristu?
3 Okonwabisayo kukuba, abazali abaninzi abangamaKrïstu baye bakhulisa abantwana abaye baba ngabakhonzi bakaYehova abathembekileyo nabazahluleleyo. Abanye baye babona abantwana babo bekhula yaye bengenela inkonzo yexesha elizeleyo njengoovulindlela, abavangeli basemazweni, okanye amalungu entsapho yaseBheteli. Kubazali abanjalo ngokwenyaniso kunokuthethwa la mazwi: “Ugcoba kakhulu uyise welungisa; ozele isilumko uyavuya ngaso. Makavuye uyihlo nonyoko, agcobe umfazi owakuzalayo.”—IMizekeliso 23:24, 25.
Izinto Ezibangela Iintliziyo Ezibuhlungu Kubazali
4, 5. (a) Yintoni efunekayo ngokweZibhalo kubadala nakwizicaka zolungiselelo ezinabantwana? (b) Bambi abantwana baye baba ‘ngabayeliseli’ njani kooyise?
4 Kodwa oku akusoloko kunjalo, nakubadala abanabantwana. Umpostile uPawulos wabhala oku: “Umveleli ngoko umelwe kukuthi abe ngongenakukhalazelwa, eyindoda yamfazi mnye, . . . eyongamele kakuhle eyakhe indlu, abantwana bakhe bemthobele, benokundileka konke (kuba ukuba umntu akakwazi ukuyongamela eyakhe indlu, angathini na ukuphatha ibandla likaThixo?)” UPawulos walek’ umsundulo wenjenje: “Abalungiseleli mababe ngamadoda abafazi ngabanye, besongamela kakuhle abantwana nezindlu ezizezabo.”—1 Timoti 3:2-5, 12.
5 Kambe ke, abadala nezicaka zolungiselelo ezingamaKristu abanakuphendula ukuba abantwana babo, xa sele bebadala ngokwaneleyo, abakuvumi ukuqhubeka bekhonza uYehova. Kodwa banokuphendula ngabantwana babo abasengaphantsi kweminyaka yobudala obungokwasemthethweni nangabantwana babo abadala abasahlala kunye nabo. Abadala nezicaka zolungiselelo baye baphulukana namalungelo axabisekileyo enkonzo ngenxa yokuba baye abakhathala okanye baye basilela ngokunzulu ukuhlangabezana nemfuneko engokweZibhalo ‘yokongamela kakuhle abantwana nezindlu ezizezabo.’ Abo banjalo, nabanye abaninzi, abantwana babo baye babazisela ingcinezelo engakumbi kunokubazisela uvuyo. Enjani yona indlela lo mzekeliso oye wangqineka uyinyaniso ngokufuthi ngayo: “Ngumeyeliselo kuyise unyana osisinyabi”!—IMizekeliso 19:13.
Ukuba Ngubawo Obonakalisa Inkathalo
6. Nguwuphi umbuzo amele amadoda angamaKristu azibuze wona?
6 Onke amadoda angamaKristu, enoba aneembopheleleko zebandla okanye akanazo, akwamele aqwalasele umphumo onokubakho kubumoya babafazi bawo ngenxa yokunyanyekelwa kwabantwana abaselula. Ukuba umfazi akomelelanga ngokomoya, usana, okanye abantwana abaliqela, baya kukuchaphazela njani ukufundisisa kwakhe kobuqu namathuba okuba nesabelo kumsebenzi wokushumayela?
7. Yintoni eye yenzeka kwabanye abafazi abangamaKristu, yaye udla ngokuba yintoni unobangela wale meko?
7 Ngaba amadoda asoloko eqonda ukuba ukunyanyekelwa kosana okanye umntwana oselula kudla ngokuthintela abafazi bawo ekubeni bangenelwe ngokupheleleyo kwiSifundo Sencwadi Sebandla, kwiintlanganiso eziqhutyelwa kwiHolo yoBukumkani nakwiindibano zesiphaluka nezesithili? lmeko enjalo inokuqhubeka ikho kangangeenyanga, kanti nakangangeminyaka, xa bengxulela. Kule nkalo, kungokwemvelo ukuba lo mthwalo, ngokuyintloko ube ngowela kumama, kunokuba uwele kutata. Maxa wambi kuye kwaphawulwa ukuba ngoxa amadoda athile angamaKristu esenza inkqubela ngokomoya, de kuse kwinqanaba lokuba afumane amalungelo athile ebandleni, abafazi bawo baba buthathaka ngokomoya. Kutheni kunjalo nje? Ngokufuthi kungenxa yokuba abantwana babo abaselula benza aba bafazi bangakwazi ukuzikis’ ingqondo kwiintlanganiso, ukwenza ufundisiso lweBhayibhile olunzulu, okanye ukuba nesabelo ngokupheleleyo kumsebenzi wokunikel’ ubungqina. Ngaba ukuba ngubawo kunokuthiwa kokubonakalisa inkathalo ukuba kuvulel’ ithuba iimeko ezinjalo?
8. Oobawo abaninzi bancedisa njani kurnthwalo wokunyarnekela abantwana, yaye oko kunayiphi ingenelo kubafazi babo?
8 Ngethamsanqa, oku akusoloko kunjalo. Ootata abaninzi abangamaKristu benza konke okusemandleni abo ekuncediseni kumthwalo wokunyamekela abantwana. Baba nesabelo ngokuzeleyo ekuboneni ukuba abantwana babo bahlala bezolile ebudeni beentlanganiso zebandla. Ukuba usana lwabo luqalisa ukukhala, okanye umntwana wabo uqalisa ukukhathaza, baya kwenza indima yabo ngokuthi baphume naye ukuze afumane isohlwayo esimfaneleyo. Kutheni kusoloko ingumama omele aphoswe ziinxalenye ezithile zeentlanganiso? Ekhaya, amadoda anolwazelelelo ancedisa abafazi bawo kwimisetyenzana ethile nasekulaliseni abantwana ukwenzela ukuba indoda nomfazi bakwazi ukuhlala phantsi baze ngokuzolileyo bazikis’ ingqondo kwimicimbi yokomoya.
9. Yintoni ebonisa ukuba abantwana abasoloko bengurnqobo?
9 Xa izinto zilungelelaniswe ngokufanelekileyo ebandleni, oomama abaselula abaneentsana banokuba nesabelo kwinkonzo yobuvulindlela babancedani. Abanye bade baba ngoovulindlela abathe ngxi. Ngoko abantwana abasoloko bengumqobo. Abazali abaninzi abangamaKristu babonakalisa umoya omhle wobuvulindlela.
Abanabantwana Kodwa Bonwabile
10. Zirnbi izibini ezitshatileyo ziye zenza siphi isigqibo, yaye ziye zasikelelwa njani?
10 Ezinye izibini eziselula ziye zagqiba ekubeni zingabi nabantwana. Nangona abafazi babekuthanda ngamandla ukuba nabantwana njengokuba benjalo nabanye abafazi, ngokuvumelana namadoda abo, baye bagqiba ekubeni bangabi nabantwana ukuze bazinikele ekukhonzeni uYehova ixesha elizeleyo. Abaninzi babo baye bakhonza njengoovulindlela okanye njengabavangeli basemazweni. Ngoku banokukhangela emva kwiminyaka edlulileyo benombulelo. Ngokuqinisekileyo, ababafumananga abantwana bokwenyama. Kodwa baye bafumana abafundi abatsha abaye baqhubeka ben qula uYehova ngokuthembekileyo. Aba ‘bantwana babo kanye elukholweni’ abasayi kuze babalibale abo basetyenziswa njengezixhobo ekubaziseni kulo “ilizwi lenyaniso.”—1 Timoti 1:2; Efese 1:13; thelekisa eyoku-1 yabaseKorinte 4:14, 17; 1 Yohane 2:1.
11. (a) Izibini ezingenabantwana ezininzi zirnkhonza phi uYehova, yaye kungani kungekho nto zizisola ngayo nje? (b) Sisiphi isibhalo esinokusetyenziswa kuzo zonke izibini eziye zahlala zingenabantwana “ngenxa yobukurnkani”?
11 lzibini ezininzi ezitshatileyo ezikulo lonke ihlabathi neziye zayincama imivuyo yokuba ngabazali ziye zakwazi ukukhonza uYehova kumsebenzi wesiphaluka, wesithili, okanye eBheteli. Ngokufanayo nazo zikhangela emva ngolwaneliseko kubomi bazo ezibuchithele ekukhonzeni uYehova nabazalwana bazo kula malungelo akhethekileyo. Akukho nto zizisola ngayo. Ngoxa zingakhange zilufumane uvuyo lokuba nabantwana kweli hlabathi, ziye zaba nendima ebalulekileyo ekuhambiseleni phambili izilangazelelo zoBukumkani kwiinkalo zazo ezahlukahlukeneyo zomsebenzi. Zonke ezi zibini ziye zahlala zingenabantwana “ngenxa yobukumkani,” esi sibhalo sisebenza ngokuqinisekileyo kuzo: “Akanantswela-bulungisa uThixo, ukude awulibale umsebenzi wenu, nomzamo wothando enawubonakalisa kulo igama lakhe, nabalungiselelayo nje abangcwele, nisamana nibalungiselela.”—Mateyu 19:12; Hebhere 6:10.
Oku Kungumcimbi Wobuqu
12. (a) Kutheni le nto ukuba nabantwana kulilungelo elikhethekileyo? (b) Kunini apho ukuba nabantwana kwakusisabelo sornsebenzi owawunikwe nguThixo?
12 Njengoko sibonile ekuqalekeni kwale ngxubusho, ukuba nabantwana kusisipho esivela kuThixo. (INdumiso 127:3) Kulilungelo elikhethekileyo elingananditshwayo zizidalwa zikaYehova zokomoya. (Mateyu 22:30) Kuye kwakho amaxesha axa ukuba nabantwana kwakuyinxalenye yomsebenzi uYehova awayewabele abakhonzi bakhe emhlabeni. Oku kwakunjalo kuAdam noEva. (Genesis 1:28) Kwakunjalo nakubantu abasinda ngoMkhukula. (Genesis 9:1) UYehova wafuna ukuba oonyana bakaSirayeli bandiswe ngokuzala.—Genesis 46:1-3; Eksodus 1:7, 20; Duteronomi 1:10.
13, 14. (a) Kunokuthiwani ngokuba nabantwana namhlanje, yaye kukuphi ukugxeka okunokuba kokungafanelekanga? (b) Ngoxa ukuba nabantwana kweli xesha lesiphelo kungumcimbi wobuqu, sisiphi isiluleko esinikelwayo?
13 Namhlanje, ngokungqalileyo ukuba nabantwana akuyonxalenye yomsebenzi uYehova awunike abantu bakhe. Sekunjalo, kuselilungelo alinika abantu abatshatileyo ukuba banqwenela njalo. Ngoko ke, izibini ezingamaKristu ezigqiba ekubeni zibe nabantwana azimele zigxekwe; kunjalo nangezibini ezigqiba ekubeni zingabi nabo abantwana.
14 Ngoko ukuba nabantwana kweli xesha lokuphela kungumcimbi wobuqu ekumele isibini ngasinye sizigqibele ngokwaso. Noko ke, ekubeni “ixesha lifinyele,” izibini ezitshatileyo beziya kwenza kakuhle ukuhlolisisa ngenyameko nangomthandazo iingxaki neengenelo zokuzala kula maxesha. (1 Korinte 7:29) Ezo zikhetha ukuba nabantwana zimele ziqonde ngokuzeleyo kungekuphela nje imivuyo enokuziswa koko kodwa kwaneembopheleleko ezibandakanyekileyo neengxaki ezinokuvelela zona nabantwana ezibazisa ehlabathini.
Xa Kuvela Umntwana Ongacetywanga
15, 16. (a) Sisiphi isimo sengqondo esimele siphetshwe xa kuvela umntwana ngokungalindelekanga, yaye ngoba? (b) Umele ajongwe njani umntwana, oko kubandakanya ziphi iimbopheleleko?
15 Bambi basenokuthi: ‘Oko kuhle kakhulu, kodwa kuthekani ukuba kuvela umntwana ngokungalindelekanga?’ Oku kuye kwenzeka kwizibini ezininzi ebeziyiqonda ngokuzeleyo inyaniso yokuba eli asiloxesha elifanelekileyo lokuzisa abantwana ehlabathini. Zimbi zazo bezikwinkonzo yexesha elizeleyo kangangeminyaka emininzi. Zimele zikujonge njani ukufika kwalo mntu mtsha obengalindelekanga?
16 Eli lixesha apho ukuba ngumzali okubonakalisa inkathalo kusebenza khona. Kuyinyaniso ukuba, ukumitha kusenokwenzeka ngokungalindelekanga, kodwa umntwana ozelweyo akanakujongwa ngabazali abangamaKristu njengongafunekiyo. Nokuba ziziphi na iinguqulelo kubomi babo ezisenokubangelwa kukuvela kwakhe, ngokuqinisekileyo abamele babonakalise intiyo kuye. Ngapha koko, ngabo ababebophelelekile ngokukhawulwa kwakhe. Ngoku kulapha kanye apho, bamele bamkele imeko yabo eguqukileyo, besazi ukuba, nangayiphi na indlela, ‘ixesha nesihlo’ zifikela bonke abantu. (INtshumayeli 9:11) Bethanda okanye bengathandi, baye banenxaxheba kwisenzo sokudala esiMyili waso ungu Yehova uThixo. Bafanele bamamkele umntwana wabo njengento engcwele abayiphathisiweyo ukuba bayinyamekele baze ngothando bamkele iimbopheleleko zabo ‘njengabazali abangokwaseNkosini.’—Efese 6:1.
“Yenzani Izinto Zonke Egameni LeNkosi”
17. Sisiphi isiluleko umpostile uPawulos awasinika abaseKolose, yaye esi siluleko sinokulandelwa njani namhlanje?
17 Ngaphambi nje kokunikela isiluleko ngemicimbi yentsapho, umpostile uPawulos wabhala oku: “Nako konke enisukuba nikwenza ngelizwi, nokuba kungomsebenzi, yenzani izinto zonke egameni leNkosi uYesu, nibulela ngayo kuye uThixo uYise.” (Kolose 3:17-21) Kungakhathaliseki ukuba umKristu uzifumanisa ekweyiphi na imeko, umele abe nombulelo kuYehova aze alisebenzise kakuhle elo thuba ekwenzeni “izinto zonke egameni leNkosi.”
18, 19. (a) AmaKristu angatshatanga nezibini ezingenabantwana banokuzenza njani “izinto zonke egameni leNkosi”? (b) Abazali abangamaKristu bamele babajonge njani abantwana baba, yaye luluphi usukelo abamele bazibekele lona?
18 UmKristu oye wakhetha ukuhlala engatshatanga uya kuyisebenzisa inkululeko yakhe, kungekhona ukwenzela ukuzifica kwiminqweno yakhe, kodwa ukwenzela ukusebenzela ‘uYehova ngomphefumlo uphela,’ ukuba kunokwenzeka kuhlobo oluthile lwenkonzo yexesha elizeleyo. (Kolose 3:23; 1 Korinte 7:32) Ngokufanayo, isibini esitshatileyo esiye sagqiba ekubeni singabi nabantwana asiyi kuthi ngokuzingca ‘sixhamle eli hlabathi’ kodwa siya kusebenza kwinkonzo yoBukumkani kangangoko kunokwenzeka ebomini baso.—1 Korinte 7:29-31.
19 AmaKristu anabantwana, amele akwamkele ukuba ngabazali ngendlela ebonakalisa inkathalo. Kunokuba babajonge abantwana babo njengomqobo ekukhonzeni uYehova, bamele babagqale njengesabelo somsebenzi esikhethekileyo. Kuya kubandakanya ntoni oku? Kaloku, xa umKristu ozahluleleyo edibana nothile obonakalisa umdla enyanisweni, uqalisa isifundo seBhayibhile sekhaya esithe rhoqo naloo mntu. Xa sele lisiqalisile isifundo, iNgqina likhuthala ngamandla, libuyela iveki neveki ukuze limncede lowo unomdla ukuba enze inkqubela ngokomoya. Ngokunjalo kufuneka loo nto kubantwana bomKristu. Isifundo seBhayibhile esithe rhoqo, esilungiselelwe kakuhle, esiqaliswa kwangoko kangangoko kunokwenzeka nesiqhutywa ngamaxesha onke amiselweyo, siyimfuneko ukuze sincede oselula ekubeni akhule ngokomoya aze afunde ukuthanda uMdali wakhe. (2 Timoti 3:14, 15) Ukongezelela, abazali baya kukuphaphela ukumisela umzekelo omhle wehambo yamaKristu ekhaya, kanye njengokuba besenza kwiHolo yoBukumkani. Yaye ukuba kunokwenzeka baya kuyithwala imbopheleleko yokuqeqeshela abantwana babo kwinkonzo yasentsimini. Ngale ndlela, ukongezelela ekushumayezeni abanye abantu abakhulileyo, abazali baya kufuna, ngoncedo lukaYehova, ‘ukwenza abafundi’ ababo abantwana.—Mateyu 28:19.
Abantwana Ebudeni ‘Bembandezelo Enkulu’
20. (a) Yintoni esijongene nayo ngaphambi kwethu, yaye uYesu wanikela isilumkiso ngenxa yaziphi iingxaki? (b) Amazwi kaYesu abonisa ntoni ngokukhulisa abantwana kweli xesha lokuphela?
20 Ngaphambi kwethu sijongene ‘nembandezelo enkulu, ekungazange kubekho injalo kwasekuqalekeni kwehlabathi, kwada kwaba kalokunje, ekungasayi kubuye kubekho injalo.’ (Mateyu 24:21) Eli iya kuba lixesha elinzima kubantu abakhulileyo nltkubantwana ngokufanayo. Kwisiprofeto sakhe esingokupheliswa kwale nkqubo ikhoyo yezinto, uYesu waxela kwangaphambili ukuba inyaniso yamaKristu yayiya kuzahlulahlula iintsapho. Wathi: “Ke kaloku, umzalwana uya kunikela umzalwana ekufeni, aze uyise anikele umntwana, bathi nabantwana bavukelane nabazali, bababulalise.” (Marko 13:12) Ngokucacileyo, ukukhulisa abantwana kweli xesha lesiphelo kwakungayi kusoloko kuvuyisa ngokupheleleyo. Kunokubangela iintliziyo ezingamahlwili ngenxa yobuhlungu, udano kwanobungozi, njengokuba amazwi kaYesu acatshulwe ngasentla ebonisa.
21. (a) Ngoxa becamngca ngokwenene ngekamva, kutheni abazali bengamele balixhalabele ngokungeyomfuneko? (b) Yintoni abanokuba nethemba layo, bona nabantwana babo?
21 Kodwa ngoxa beziqwalasela ngokwenene iinzima ezingaphambili, abo banabantwana abamele balixhalabele ngokungeyomfuneko ikamva. Ukuba bahlala bethembekile bona ngokwabo baze benze konke okusemandleni abo ukukhulisa abantwana babo “ekuqeqesheni nasekululekeni kweNkosi,” banokuba nentembelo yokuba abantwana babo abathobelayo baya kubabalwa. (Efese 6:4; thelekisa eyoku-1 yabaseKorinte 7:14.) Njengenxalenye ‘yesihlwele esikhulu,’ bona nabantwana babo abaselula banokuba nethemba lokusinda ‘kwimbandezelo enkulu.’ Ukuba abo bantwana bakhulela ekubeni ngabakhonzi bakaYehova abathembekileyo, baya kumbulela ngonaphakade kuba beye banabazali ababonisa inkathalo.—ISityhilelo 7:9, 14; IMizekeliso 4:1, 3, 10.
Imibuzo Yempinda
◻ Ukuzalwa komntwana kubandakanya luphi ucwangciso oluthabatha ixesha elide?
◻ Kutheni abadala abathile nezicaka zolungiselelo beye balahlekelwa ngamalungelo abo?
◻ Ziziphi izinto indoda engumKristu emele iziqwalasele ngokuphathelele ukuba nomntwana komfazi wayo?
◻ Yintoni ebonisa ukuba isibini esingamaKristu sinokungabi nabantwana kodwa sonwabe?
◻ Abazali bamele bakujonge njani ukuzalwa komntwana, yaye kutheni bengamele balixhalabele ngokungeyomfuneko ikamva?
[Umfanekiso okwiphepha 24]
Oobawo banokuba nesabelo kwimbopheleleko yokugcina abantwana bezolile ebudeni beentlanganiso