IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w89 1/15 iphe. 31
  • Imibuzo Evela Kubafundi

No video available for this selection.

Sorry, there was an error loading the video.

  • Imibuzo Evela Kubafundi
  • IMboniselo Evakalisa UBukumkani BukaYehova—1989
  • Amanqaku Afanayo
  • UYesu​​​—⁠“Isonka Sobomi”
    UYesu—Indlela, Inyaniso, Ubomi
  • ‘Isonka Sokwenyaniso Esiphuma Ezulwini’
    Oyena Mntu Ubalaseleyo Wakha Waphila
  • UYesu—‘Isonka Sokwenyaniso Esiphuma Ezulwini’
    IMboniselo Evakalisa UBukumkani BukaYehova—1987
  • Ngaba AmaKristu Anethemba Lokuphila Ngonaphakade Emhlabeni?
    IMboniselo Evakalisa UBukumkani BukaYehova—2009
Khangela Okunye
IMboniselo Evakalisa UBukumkani BukaYehova—1989
w89 1/15 iphe. 31

Imibuzo Evela Kubafundi

◼ Kutheni uYesu wathembisa ukuba abo banokholo kuye “abasayi kufa naphakade,” ngoxa enyanisweni bonke abaphulaphuli bakhe bafayo?—Yohane 11:25, 26.

Xa uYesu wayethetha ngokungafi okanye ukuphila ngonaphakade, ngokucacileyo wayengathethi ukuba abaphulaphuli bakhe bangoko babengayi kuba namava okufa kwabantu. Ingongoma esisiseko uYesu awayeyibonisa yayikukuba ukholo kuye lwalunokukhokelela kubomi obuhlala buhleli.

Ngesinye isihlandlo, uYesu wazibiza ngokuba ‘usisonka sobomi.’ Ngoko walek’ umsundulo esenjenje: “Ndim isonka esiphilileyo, esi sehlayo emazulwini. Ukuba ubani uthe wasidla esi sonka, wodla ubomi ngonaphakade.”—Yohane 6:48-51.

Ekhangela kuloo mazwi kuphela, umntu usenokugqiba ngelokuba uYesu wayexelela abaphulaphuli bakhe ukuba babenokuwaphepha amava okufa. Noko ke, umongo, awusixhasi eso sigqibo. UYesu wayesandul’ ukuthi: “Kuko ke oku ukuthanda kowandithumayo, kukaBawo: ukuba konke awandinikayo, ndingalahli nento kuko, ndikuvuse ngomhla wokugqibela. . . . Babe nobomi obungunaphakade bonke abambonayo uNyana, bakholwe kuye; ndandiya kubavusa mna ngomhla wokugqibela. . . . Akukho namnye unako ukuza kum, engathanga uBawo owandithumayo amtsale; ndaye mna ndiya kumvusa ngomhla wokugqibela.” (Yohane 6:39-44) Ibe kamva wongezelela esenjenje: “Lowo uyidlayo eyam inyama, alisele elam igazi, unobomi obungunaphakade; ndaye mna ndiya kumvusa ngomhla wokugqibela.” (Yohane 6:54) Ngoko, isithembiso sikaYesu ‘sokuphila ngonaphakade’ besingenakuthi ngokuthetheleleka siqondwe njengesithetha ukuba abaphulaphuli bakhe babengayi kuze babe namava okufa.

Kungokufanayo ngethemba elaziwa kakuhle likaYesu kuMarta lokuba: “Ndim uvuko, ndim ubomi; lowo ukholwayo kum, nokuba ubethe wafa, wodla ubomi. Bonke abadla ubomi bekholwa kum, abasayi kufa naphakade.” (Yohane 11:25, 26) Ngokomzekelo, ngokucacileyo uYesu wayengathethi ukuba abapostile abathembekileyo, babengasayi kuze bafe njengoko babesenza abanye abantu. Kwisithuba esingangonyaka, babeya kuthanjiswa ngomoya oyingcwele ibe babeya kunikwa ithemba lokulawula njengookumkani emazulwini. Ukuze bafumane loo mvuzo, kwakuya kufuneka bafe njengabantu. (Roma 8:14-23; 1 Korinte 15:36-50) Ibe phawula ukuba uYesu wayethe: “Lowo ukholwayo kum, nokuba ubethe wafa, wodla ubomi.”

Idinga likaYesu liya kuzalisekiswa kubakhonzi abazinikeleyo bakaThixo abathe baphila baze bafa ngaphambi kwexesha laxa ubomi obuhlala buhleli buqalisa ukulungiselelwa. Abathembekileyo abanjalo baya kufumana uvuko oluzayo. Ngokuhlala bethembekile emva kokuba bevusiwe, abasayi kuze babe namava ‘okufa kwesibini,’ ukufa okungunaphakade.—ISityhilelo 20:15; 21:8; Yohane 8:51.

Kodwa isiprofeto seBhayibhile sibonisa ukuba thina namhlanje sinethuba elikhethekileyo. Njengoko siphila kwisiphelo senkqubo yezinto, sisenokusinda ‘kwimbandezelo enkulu’ ezayo size sidlulele kwihlabathi elitsha. Abo banethemba lobomi obungunaphakade kumhlaba oyiparadisi nabalondoloza ukunyaniseka kwabo kuThixo akuyi kufuneka babe namava okufa kwabantu konke konke. Ekubeni besinde ‘kwimbandezelo enkulu,’ baya kukhokelelwa “emithonjeni ephilileyo yamanzi.”—ISityhilelo 7:9-17.

[Umfanekiso okwiphepha 31]

Oko kwathethwa nguYesu kuMarta owayesentlungwini kusinika ithemba lobomi obungunaphakade

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share