INdibano ‘Yabathunywa Boxolo LobuThixo’ Yowe-1996

MANDULO abantu bakaYehova babeba nemibhiyozo emikhulu emithathu nyaka ngamnye. Ngokufanayo, namhlanje abantu begama likaYehova bahlanganisana kathathu ngonyaka ukuze babe nemisitho enjalo. Bayakunandipha ukuhlanganisana kwindibano ekhethekileyo yosuku olunye, kwindibano yesiphaluka yeentsuku ezimbini nakwindibano yesithili yeentsuku ezintathu okanye ezine. Kulo nyaka, umxholo wendibano yesithili uthi “Abathunywa Boxolo Lobuthixo.”

Hayi indlela ofaneleke ngayo loo mxholo! UThixo wethu, uYehova, ‘nguThixo woxolo,’ ewe, ‘nguThixo onika uxolo.’ INkokeli yethu, uYesu Kristu, ‘nguMthetheli woxolo,’ yaye isigidimi esiphethwe ngabakhonzi bakaYehova sisigidimi soxolo lobuthixo. (Filipi 4:9; Roma 15:33; Isaya 9:6; Nahum 1:15) Sele lulungiselelwe ucwangciso oluhle lwendibano oluya kusinceda sonke sikuqonde ngakumbi ukubaluleka koxolo lobuthixo.

Kulo nyaka eUnited States kuphela, kuza kubakho iindibano ezili-198. Kunokwenzeka ukuba ibekho indibano ekufuphi nalapho uhlala khona. Kutheni ungabuzi ixesha nendawo echanileyo eya kuqhutyelwa kuyo kumaNgqina kaYehova asekuhlaleni uze wenze amalungiselelo okubakho? Bonke abanomdla kuxolo lokwenene noluhlala luhleli, baya kwamkelwa ngokufudumeleyo.