IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w99 11/1 iphe. 30-31
  • Umnikelo Wokuzithandela Ukuze Kuhanjiselwe Phambili Unqulo Olunyulu

No video available for this selection.

Sorry, there was an error loading the video.

  • Umnikelo Wokuzithandela Ukuze Kuhanjiselwe Phambili Unqulo Olunyulu
  • IMboniselo Evakalisa UBukumkani BukaYehova—1999
  • Imixholwana
  • Amanqaku Afanayo
  • Ukunikela Ngezinto Zokwakha Nangobugcisa
  • Oko Sikufundayo
  • Zenzeleni Izihlobo Ngobutyebi Bokungalungisi’
    IMboniselo Evakalisa UBukumkani BukaYehova—1994
  • Ukwazi Iindlela ZikaYehova
    IMboniselo Evakalisa UBukumkani BukaYehova—2005
  • Incwadi YeBhayibhile 2—Eksodus
    “Sonke ISibhalo Siphefumlelwe NguThixo Kwaye Siyingenelo”
  • Umoya Awusikelelayo UYehova
    IMboniselo Evakalisa UBukumkani BukaYehova—1987
Khangela Okunye
IMboniselo Evakalisa UBukumkani BukaYehova—1999
w99 11/1 iphe. 30-31

Benza Ukuthanda Kukayehova

Umnikelo Wokuzithandela Ukuze Kuhanjiselwe Phambili Unqulo Olunyulu

3AMASIRAYELI azibonela ngokwawo amandla kaYehova okusindisa. Abona ukwahlukana kwamanzi oLwandle Olubomvu ngokungummangaliso, nto leyo eyawenza akwazi ukuwela kumhlaba owomileyo aza asaba phambi komkhosi waseYiputa. Akufika kwelinye icala, abukela ekude xa la manzi ayentywilisela abo babewasukela. UYehova wayewasindisile!​—⁠Eksodus 14:​21-⁠31.

Noko ke, okubuhlungu kukuba bambi kuloo maSirayeli abazange bakunanze nganto oko uThixo wabo wayebenzele kona. Ngoxa uMoses wayekwiNtaba yeSinayi, banika uAron izihombo zabo zegolide baza bamnyanzela ukuba abenzele isithixo ukuze basinqule. Ekubuyeni kwakhe, uMoses wafika esi sihlwele sabavukeli sisitya, sisela, singqungqa yaye siqubuda kwithole legolide! Ngolwalathiso lukaYehova abamalunga nama-3 000​—⁠mhlawumbi ababephambili kuloo mvukelo​—⁠babulawa. Ngaloo mini, abantu bakaThixo bafunda isifundo esibalulekileyo sokuba bafanele bazinikele kuYehova ngokupheleleyo.​—⁠Eksodus 32:​1-6, 19-⁠29.

Kungekudala emva kwesi siganeko, uMoses walungela ukuphumeza umyalelo kaThixo wokwakha umnquba, intente yonqulo ekwakunokuhanjwa nayo. Lo msebenzi wokwakha wawufuna izinto zokwakha ezibiza imali eninzi nabasebenzi abanobugcisa. Kwakuza kuvela phi konke oku? Yaye yintoni esinokuyifunda kule ngxelo yeBhayibhile?

Ukunikela Ngezinto Zokwakha Nangobugcisa

UYehova wayalela amaSirayeli ngoMoses esithi: “Thabathani nise umrhumo [“umnikelo,” NW] kuYehova; bonke abantliziyo zibaqhubayo mabazise umrhumo kaYehova.” Umnikelo oluhlobo luni? Phakathi kwezinto ezabalwa nguMoses yayiyigolide, isilivere, ubhedu, imisonto, amalaphu, izintsu, amaplanga namatye anqabileyo.​—⁠Eksodus 35: 5-⁠9.

AmaSirayeli ayenentabalala awayenokuthabatha kuyo ukuze enze loo minikelo yawo yesisa. Khumbula ukuba, ukumka kwawo eYiputa, athabatha impahla yegolide neyesilivere kunye nezambatho ezininzi. Eneneni, “bawaphanga ke amaYiputa.”a (Eksodus 12:​35, 36) Ngaphambilana, amaSirayeli ngokuzithandela ayenikele ngezihombo zawo ukuze kwenziwe isithixo sonqulo lobuxoki. Ngaba ngoku ayeza kuba nomoya ofanayo wentumekelelo xa enikela ngenjongo yokuhambisela phambili unqulo lokwenyaniso?

Phawula ukuba uMoses akazange amisele ngamnye ukuba anikele kangakanani, engazange abenze bazive benetyala okanye bebuhlungu ukuze banikele. Kunoko, wabongoza “bonke abantliziyo zibaqhubayo.” Ngokucacileyo, uMoses akazange abone mfuneko yokubanyanzela abantu bakaThixo. Wayenentembelo yokuba ngamnye wayeza kunikela ngako konke anako.​—⁠Thelekisa eyesi-⁠2 kwabaseKorinte 8:​10-12.

Noko ke, umsebenzi wokwakha wawungayi kufuna minikelo yezinto zokwakha kuphela. Naku okunye uYehova awakuxelela amaSirayeli: “Bonke benentliziyo elumkileyo kuni mabeze, benze zonke izinto uYehova awise umthetho ngazo.” Ewe, lo msebenzi wokwakha wawufuna abasebenzi abangamagcisa. Eneneni, “umsebenzi wonke wokukrola”​—⁠kuquka ukuchwela, ukusebenza ngeentsimbi, nangamatye anqabileyo​—⁠wawuza kuba yimfuneko ukuze kugqitywe lo msebenzi. Kakade ke, abasebenzi babeza kusebenzisa ubuchule babo phantsi kolwalathiso lukaYehova, yaye ngokufanelekileyo udumo lwaluza kuya kuye wakuba ugqityiwe loo msebenzi.​—⁠Eksodus 35:​10, 30-35; 36:​1, 2.

AmaSirayeli asabela ngentumekelelo kwesi simemo sokunikela ngobuncwane bawo nangobugcisa bawo. Ingxelo yeBhayibhile ithi: “Beza bonke abantu abantliziyo yabavuselelayo, abo bonke bamoya wabaqhubayo, bawuzisa umrhumo kaYehova emsebenzini wentente yokuhlangana, nasenkonzweni yayo yonke, nasezambathweni ezingcwele. Beza, amadoda kwanabafazi, bonke abantliziyo zibaqhubayo.”​—⁠Eksodus 35:​21, 22.

Oko Sikufundayo

Namhlanje umsebenzi omkhulu wokushumayela iindaba ezilungileyo zoBukumkani bukaThixo uphunyezwa ngeminikelo yokuzithandela. Ngokufuthi iba yiminikelo yemali. Kwezinye iimeko, abazalwana noodade abangamaKristu basebenzisa ubuncwane bamava abo ekwakheni iiHolo zoBukumkani, iiHolo zeNdibano, nezakhiwo zamasebe. Kukho nomsebenzi owenziwa kumakhaya aseBheteli angaphezu kwekhulu ehlabathini lonke, umsebenzi ofuna ubugcisa obahlukahlukeneyo. Bonke abo bantliziyo zivumayo abaye benza iminikelo enjalo bangaqiniseka ukuba uYehova akayi kukulibala ukusebenza kwabo nzima!​—⁠Hebhere 6:⁠10.

Kuyafana ke nangesabelo ngamnye wethu aba naso kubulungiseleli bobuKristu. Sonke siyabongozwa ukuba sizithengele ixesha lokuba nesabelo ngenkuthalo kumsebenzi wokushumayela. (Mateyu 24:​14; Efese 5:​15-17) Bambi bakwenza oku njengabahambisi bevangeli bexesha elizeleyo, okanye oovulindlela. Ngenxa yeemeko, abanye abakwazi ukuchitha ixesha elingako kubulungiseleli njengoovulindlela. Sekunjalo, nabo bayamkholisa uYehova. Njengakwiminikelo yomnquba, uYehova akamiseli mlinganiselo ngamnye afanele anikele ngawo. Noko ke, akufunayo kukuba ngamnye wethu amkhonze ngentliziyo, ngomphefumlo, ngengqondo nangamandla ephela. (Marko 12:​30) Ukuba senza oko, sinokuqiniseka ukuba uya kusivuza ngeminikelo yokuzithandela esiyenzayo ukuhambisela phambili unqulo oluyinyaniso.​—⁠Hebhere 11:⁠6.

[Imibhalo esemazantsi]

a Yayingebobusela obu. AmaSirayeli ayicela iminikelo kumaYiputa, aza ayinikwa ngesisa. Ngapha koko, kwasekuqaleni amaYiputa ayengenalungelo lokwenza amaSirayeli amakhoboka, ayemele abavuze aba bantu bakaThixo ngomsebenzi wabo onzima abawenza iminyaka emininzi.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share