‘Bathetha Ngokulunga Nothando’

KWIMINYAKA yakutshanje, amaNgqina kaYehova eFransi ebezizisulu zokungcoliswa kwegama lawo. Abachasi bawo baye basebenzisa iinyaniso ezingaphelelanga nenkcazelo ephosakeleyo ukuze bathethe kakubi ngawo esidlangalaleni. Ekuqaleni kowe-1999, kulo lonke elaseFransi amaNgqina kaYehova aye asasaza i-12 lezigidi zemibhalo yephecana elithi People of France, You Are Being Deceived! Kweli phecana, aye azigxibha iingxelo ezingcolisayo eziye zathethwa nxamnye nawo.

Kwiintsuku ezimbalwa emva kwelo phulo, uMnu. Jean Bonhomme, ongugqirha nowayesakuba lilungu lePalamente wathumela ileta kwiphepha-ndaba lasekuhlaleni. Wabhala wathi: “Maxa wambi, amaNgqina kaYehova ayeza ekhayeni lam. Eza ngenjongo yokuthetha nam ngokulunga nangothando lomhlaba wonke. . . . Akazoziphazamiso. Athetha ngokuzolileyo yaye aphulaphula ngobubele xa ndivakalisa amathandabuzo endinawo.”

Ethetha ngembono yokomoya yamaNgqina kaYehova, uMnu. Bonhomme wathi: “Ukungabi nabulumko behlabathi, kwimeko yawo, akunakwenza ngozi. Kwelinye icala, ukungabi nalwazi kwamanye amalungu ezobupolitika kusisisongelo kakhulu kuxolo lwabemi nakwimvisiswano yebutho labantu.”