IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w09 12/1 iphe. 3
  • “Kuya Kude . . . Kube Nini Ndikhalela Uncedo?”

No video available for this selection.

Sorry, there was an error loading the video.

  • “Kuya Kude . . . Kube Nini Ndikhalela Uncedo?”
  • IMboniselo Evakalisa UBukumkani BukaYehova—2009
  • Amanqaku Afanayo
  • Thembela NgoYehova Uze Uphile!
    IMboniselo Evakalisa UBukumkani BukaYehova (Efundwayo)—2018
  • Basalelwe Lixesha Elingakanani Abangendawo?
    IMboniselo Evakalisa UBukumkani BukaYehova—2000
  • Incwadi YeBhayibhile 35—Habhakuki
    “Sonke ISibhalo Siphefumlelwe NguThixo Kwaye Siyingenelo”
  • Ukugcoba SikuThixo Umsindisi Wethu
    IMboniselo Evakalisa UBukumkani BukaYehova—2000
Khangela Okunye
IMboniselo Evakalisa UBukumkani BukaYehova—2009
w09 12/1 iphe. 3

“Kuya Kude . . . Kube Nini Ndikhalela Uncedo?”

“Ndifuna iphele yonke le ntlungu ndikuyo!” wakhala watsho uJayne. Wayenomhlaza yaye wawusasazeka umzimba wonke. Intsapho nabahlobo bakhe babenqwenela ukuyiphelisa intlungu awayekuyo. Bathandaza kuThixo becela ukuba amncede. Ngaba wayeza kubeva? Ngaba wayebakhathalele?

UTHIXO uyazibona izinto ezenzeka ebantwini. ILizwi lakhe iBhayibhile lithi: “Kuba siyazi ukuba yonke indalo iyagcuma kwaye isentlungwini.” (Roma 8:22) UThixo uyazi ukuba kukho abantu abaninzi abasezintlungwini ezahlukahlukeneyo yonke imihla njengoJayne. UThixo uyababona abantu abazizigidi ezingama-800 abalala bengatyanga yonke imihla, izigidi zabanye abaxhatshazwa ngamalungu eentsapho zabo, kunye nabazali abaxhalabele ikamva nempilontle yabantwana babo. Ngaba wakha wazibuza ukuba uThixo uya kuze aziphelise ezi ngxaki? Ekubeni thina sifuna ukubanceda abantu esibathandayo, ngaba asifanelanga siqiniseke ukuba noThixo uyafuna ukubanceda?

Ukuba ukhe wabuza le mibuzo ingasentla, yazi ukuba akuwedwa. Kwiminyaka engaphezu kwama-2 600 eyadlulayo, indoda ethembekileyo uHabhakuki yayivakalelwa ngendlela efanayo nabantu abaninzi namhlanje ibe yabuza uThixo isithi: “Kuya kude kube nini na Yehova, ndikhalela uncedo, ungeva? Kuya kude kube nini na ndicela ukuba undincede kugonyamelo, ungandisindisi? Kutheni undenza ndibone okwenzakalisayo, uze uqhubeke ujonga inkathazo? Kutheni kukho ukuphanga nogonyamelo phambi kwam, yaye kutheni kusibakho ukuxabana, ibe kutheni kuqhubeka imbambano?” (Habhakuki 1:2, 3) Umprofeti womHebhere uHabhakuki, wabona abantu abanogonyamelo ngomhla wakhe. Nanamhlanje kuxhaphakile ukuva ngezenzo ezinjalo ezindabeni, yaye ziyabacaphukisa abantu abanovelwano.

Ngaba uThixo akazange azinanze izinto ezazixhalabisa uHabhakuki? Nakanye. Wayiphulaphula imibuzo kaHabhakuki waza wamthuthuzela yaye wamkhuthaza. UYehova uThixo waluqinisa ukholo lukaHabhakuki ngokumthembisa ukuba wayeza kukuphelisa ukubandezeleka. Nawe sinokukwenza ube nethemba isigidimi sikaThixo, kanye njengokuba senjenjalo kuJayne nentsapho yakhe. Amanqaku alandelayo aza kuphendula le mibuzo ilandelayo: Sinokuqiniseka njani ukuba uThixo usikhathalele? Uza kwenza ntoni uThixo ukuze aphelise ukubandezeleka yaye uza kuyenza nini loo nto?

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share