IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 12/95 iphe. 1
  • Zilungiselele Uze Uzinandiphe Iintlanganiso Zebandla

No video available for this selection.

Sorry, there was an error loading the video.

  • Zilungiselele Uze Uzinandiphe Iintlanganiso Zebandla
  • Ubulungiseleli Bethu BoBukumkani—1995
  • Amanqaku Afanayo
  • Iintlanganiso Zokunceda Abantu Abaselula
    Ubulungiseleli Bethu BoBukumkani—2000
  • Yiyiphi Eyona Ndlela Esinokuzilungiselela Ngayo Iintlanganiso?
    Ngoobani Abenza Ukuthanda KukaYehova Namhlanje?
  • Zuza Ngokupheleleyo Kwiintlanganiso Zenkonzo Yasentsimini
    Ubulungiseleli Bethu BoBukumkani—2006
  • Indima Yakho Ekwenzeni Iintlanganiso Zibe Yingenelo
    Ubulungiseleli Bethu BoBukumkani—1990
Khangela Okunye
Ubulungiseleli Bethu BoBukumkani—1995
km 12/95 iphe. 1

Zilungiselele Uze Uzinandiphe Iintlanganiso Zebandla

1 Njengomanyano lwabazalwana, ngobulumko sihlanganisana rhoqo ukwenzela iintlanganiso zethu zeeveki ngeeveki. (1 Tim. 4:​15, 16) Sinokuzinandipha size singenelwe ngakumbi njani kuzo?

2 Kumele kubekelwe bucala ixesha lokulungiselela iintlanganiso rhoqo. Abanye basenokuchitha ixesha elininzi kunabanye belungiselela. Noko ke, nokuba sixakeke kangakanani na, kububulumko ukuzibekela ixesha elithile lokulungiselela iintlanganiso. Ukulungiselela kunye njengentsapho kuyingenelo kakhulu.​—⁠Efe. 5:​15, 16.

3 Isikolo Sobulungiseleli Sobuthixo: Zabalazela ukuhlala uhambisana nocwangciso lofundo lweBhayibhile lweeveki ngeeveki. (Yosh. 1:⁠8) Hlolisisa umbandela oza kugutyungelwa, uze uphathe neempapasho eziza kufuneka ukuze uhambisane nezithethi. Cinga ngeendlela onokuyisebenzisa ngazo loo nkcazelo kubulungiseleli bakho.

4 Intlanganiso Yenkonzo: Hlolisisa ucwangciso olukuBulungiseleli Bethu BoBukumkani. Funda amanqaku aza kuxutyushwa. Ukuba kuza kuxutyushwa umbandela okwinqaku leMboniselo okanye kwenye impapasho, yikhangele uze uyifunde nayo. Ukuba kuza kwenziwa imiboniso yeentshumayelo zenkonzo yasentsimini, yihlolisise kusengaphambili ukuze ukulungele ukuyisebenzisa kubulungiseleli bakho.

5 Isifundo SeMboniselo: Lifunde lonke inqaku eliza kufundwa kusengaphambili, uphawule iimpendulo zemibuzo. Ukujonga izibhalo ezibonisiweyo kuya kukunceda uwuqonde kakuhle loo mbandela. Ukucamngca ngendlela eso sifundo esidibana ngayo noko sele ukwazi kuya kulwandisa ulwazi lwakho. Cwangcisela ukuba nenxaxheba kwesi sifundo ngokulungiselela amagqabaza amafutshane ubuncinane kwisiqendu esinye okanye ezibini. Le yeyona ndlela ibalulekileyo ‘yokulivakalisa ekuhleni ithemba lethu.’​—⁠Heb. 10:⁠23, NW.

6 Isifundo Sencwadi Sebandla: Okokuqala, hlolisisa umbandela; qwalasela umxholo wesahluko nemixholwana. Wandule ke, xa ufunda, uphawule iingongoma eziziintloko. Hlola iindinyana zeBhayibhile ezixhasayo. Zama ukuphendula imibuzo ngawakho amazwi. Wakuba usilungiselele isifundo, setyise engqondweni yakho. Zama ukukhumbula iingongoma eziziintloko nendlela ezixhaswa ngayo.​—⁠2 Tim. 2:⁠15.

7 Zinandiphe Iintlanganiso: Ukuze uzinandiphe ngokupheleleyo iintlanganiso, kubalulekile ukufika kwangexesha ukuze ubekho kumthandazo wokuvula, xa kucelwa umoya kaYehova. Kwakhona uyangenelwa kwiingoma zoBukumkani ezihlaziyayo. Ukuba akunabantwana bancinane okanye akukho sizathu sokuba uhlale ngasemva eholweni, mhlawumbi uya kufumanisa ukuba ukuhlala ngaphambili akunaziphazamiso zingako, yaye uya kungenelwa ngakumbi kucwangciso. Abazali abanabantwana abancinane abasenokufuna ukukhutshwa phandle ebudeni bentlanganiso basenokungaphazamisi kangako ukuba bahlala ecaleni nakwizihlalo ezingasemva.

8 Zabalazela ukuzijonga izibhalo ezifundwayo. Oko kuya kukunceda ukukhumbule oko ukuvayo. Ukuthetha nentsapho yakho nabahlobo bakho ngoko ukufundileyo kuya kuyibethelela engqondweni loo nkcazelo. Ukuwasebenzisa la macebiso kuya kuzenza iintlanganiso zibe nentsingiselo zize zinandipheke, ibe ngokwenene ziya ‘kusilola eluthandweni nasemisebenzini emihle.’​—⁠Heb. 10:​24, 25.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share