Lungiselela Umsebenzi Wamaphephancwadi NgoAprili

Njengoko kubonisiwe kwiKhalenda Yowe-1996, Isidlo SeNkosi Sangokuhlwa kulo nyaka siza kuba ngoAprili 2. Ekubeni siza kube sikhuthazwe siso, sonke simele sibe nenxaxheba ngenzondelelo ekusasazweni kwamaphephancwadi ngoAprili. Kule minyakana imbalwa idluleyo siye salunandipha uSuku Lwamaphephancwadi olukhethekileyo ngoAprili. Kulo nyaka kubekelwe ecaleni uAprili 20. Hayi indlela aya kuba sexesheni ngayo amaphephancwadi esiya kube siwasebenzisa! IMboniselo ka-Aprili 1 iya kubalaselisa intetho yesidlangalala yendibano yesithili yonyaka ophelileyo ethi, “Dumisani UKumkani Wamaphakade!” IMboniselo ka-Aprili 15 yona iya kubalaselisa umxholo wentetho yesidlangalala ekhethekileyo ayayingo-Aprili odlulileyo othi, “Isiphelo Sonqulo Lobuxoki Sisondele.” Intetho ekhethekileyo yalo nyaka ngoAprili 21 ethi, “Ukuhlala Singenakusoleka Phakathi Kwesizukulwana Esigoso,” ifanele isikhuthaze ngakumbi. Siya kube sibalaselisa uVukani! kaMeyi 8 onomxholo othi “Xa Iimfazwe Ziya Kuba Zingasekho.”

Kanye njengakwiphulo lokusasaza iphecana iKingdom News kuAprili ophelileyo, lo Aprili ufanele abe yinyanga ephambili yokusasaza amaphephancwadi. Eli lixesha lokuceba. Abaninzi basenokufuna ukubhalisa njengoovulindlela abangabancedani. Xa kuyimfuneko, kuza kufuneka niodole amaphephancwadi ka-Aprili awongezelelekileyo. Nisenokucwangcisela ukuba neeNtsuku Zamaphephancwadi, apho wonk’ ubani eya kuba nenxaxheba—kusasa, emin’ emaqanda, okanye ngorhatya. Sonke masibe “ngabenzi belizwi.” Njengoko kwaxelwa kwangaphambili ngoMesiya kwiNdumiso 69:9 (NW), kwanga nathi singathetha la mazwi: “Ukuzondelela indlu yakho kundidlile.”—Yak. 1:22; Yoh. 2:17.