Isingxobo Semibuzo

◼ Igama elithi amaNgqina kaYehova lifanele libhalwe ngayiphi indlela kwincwadi yeemfonomfono yasekuhlaleni?

Kuye kwaphawulwa ukuba azifani kwaphela iindlela elibhalwa ngazo igama elithi amaNgqina kaYehova kwiincwadi zeemfonomfono. Ezinye ziyadida, yaye ezinye azinikeli nkcazelo yaneleyo. Kubalulekile ukuba sibe nenkcazelo eyaneleyo kwincwadi yeemfonomfono, nto leyo eya kwenza kube lula ngabantu abanomdla okanye abazalwana bethu ukuqhagamshelana nebandla lasekuhlaleni.

Le ilandelayo yindlela enconyelwayo yokubhalwa kweli gama: Jehovah’s Witnesses, (Isixeko okanye Idolophu), kulandele ikhelingi yeHolo yoBukumkani nenombolo yemfonomfono.

Kwizixeko ezinamabandla aliqela, sincomela oku kulandelayo: Jehovah’s Witnesses, (Isixeko), kulandele ukudweliswa kwazo ngokoonobumba kubhalwe igama, ikhelingi yeHolo yoBukumkani nenombolo yemfonomfono yebandla lasekuhlaleni ngalinye.