Ucwangciso Olutsha Lwendibano Ekhethekileyo Yosuku Olunye
Ilungiselelo lendibano ekhethekileyo yosuku olunye laqala ngowe-1987. Ezi ndibano zosuku olunye ziye zabakha abakhonzi bakaYehova nabanomdla abeza kuzo. Ukususela ngoSeptemba 1998, kuya kuqhutywa ucwangciso olutsha lwendibano ekhethekileyo yosuku olunye. Uya kungenelwa ngokomoya ziintetho ezisithoba, udliwano-ndlebe namava aliqela.
Umxholo wolu cwangciso lutsha uthi “Bonakalisa Uxabiso Ngetafile KaYehova.” (Isa. 65:14; 1 Kor. 10:21) Luya komeleza uzimiselo lwethu lokuba ukunqula kwethu uYehova kube kwindawo yokuqala kubomi bethu. (INdu. 27:4) Intetho yomveleli wesiphaluka enomxholo othi “Ukuhlola Utyekelo Lweentliziyo Zethu” iya kuxubusha ngesimo sethu sengqondo ngokuphathelele ukuya kwiintlanganiso. Isithethi esityeleleyo siya kuxubusha umxholo othi “Hlala Uphilile Ngokuzondla Etafileni KaYehova.” Kwakhona kuya kunikelwa ukhuthazo oluya kunceda abantu abaselula entlanganweni kaYehova bahlale beqinile ekukhonzeni uThixo. Intetho engumxholo yesithethi esityeleleyo enomxholo othi “Someleziwe Ngokomoya Ukuze Sinikele Ubungqina Ngenkalipho,” iya kubonisa indlela amalungiselelo awenziwa ngebandla asixhobisela ngayo ukunikela ubungqina ngenkalipho ngoBukumkani. Ngubani obengayi kuthanda ukungenelwa kolu cwangciso?
Abo basandul’ ukuzahlulela nabebeya kuthanda ukubhaptizwa bafanele bazise umveleli owongamelayo ngokukhawuleza kangangoko kunokwenzeka. Siyathemba ukuba njengoko siqalisa unyaka we-12 welungiselelo lendibano ekhethekileyo yosuku olunye, wonke umntu oya kubakho uya kwakheka ngokomoya ukuze alungele umsebenzi ongaphambili.