Ucwangciso Olutsha Lwendibano Yesiphaluka

Siyazi ukuba uYehova uThixo sifanele simthande yaye sifanele sizinikele kuye ngokupheleleyo. Noko ke, ihlabathi lifuna ukusihenda ukuze singabi nolwalamano olusenyongweni naye. (Yoh. 17:14) Ukuze someleze uthando lwethu ngoYehova aze asomeleze ukuze sixhathise izinto zehlabathi eziyingozi kwimpilo yethu yokomoya, ucwangciso olutsha lwendibano yesiphaluka lonyaka wenkonzo wowama-2001 luya kuba nomxholo othi “Thanda UThixo—Hayi Izinto Zehlabathi.”—1 Yohane 2:15-17.

Uthando olunzulu ngoYehova lusinyanzelela ukuba sinikele ubungqina ngaye. Sekunjalo, inkonzo yasentsimini ayilula kubantu abaninzi bakaThixo. Kwinxalenye ethi “Uthando NgoThixo Luyasikhuthaza Kubulungiseleli Bethu,” fumanisa indlela abaninzi abaye bakoyisa ngayo ukuba neentloni neminye imiqobo ukuze babe nenxaxheba ezeleyo kulo msebenzi.

Imilinganiselo ewohlokayo yehlabathi isichaphazela njani? Izinto ezazigqalwa ngaphambili zibubungendawo ngoku zijongwa njengezinto eziqhelekileyo. Intetho ethi “Bathandi BakaYehova Kuthiyeni Okubi” nongcelele lweentetho oluthi “Izinto Ezisehlabathini—Sizijonga Njani?” iya kusomeleza ukuze siphephe iminqweno ephosakeleyo.

Kolu cwangciso kuya kuqukwa ukuqhutywa kweSikolo Sobulungiseleli Sobuthixo kunye neNtlanganiso Yomsebenzi, kuquka noshwankathelo lweSifundo seMboniselo. Intetho yesidlangalala enomxholo othi, “Ukoyisa Ihlabathi Ngothando Nokholo,” iya kusikhuthaza ukuze sixelise uYesu ekuxhathiseni iingcinezelo zehlabathi zingasityekisi endleleni. (Yohane 16:33) Qiniseka ukuba uyazimema izifundo zakho zeBhayibhile ukuba zibekho. Nabani na onqwenela ukubhaptizwa ufanele axelele umveleli owongamelayo ngokukhawuleza kangangoko kunokwenzeka ukuze kwenziwe amalungiselelo ayimfuneko.

Kule ndibano yesiphaluka, ingqalelo yethu iya kujoliswa kanye apho lufanele lutsoliswe khona uthando lwethu ukuze sinandiphe intsikelelo kaYehova. Ungaphoswa!