Uthini Xa Uphendulwa Ngumatshini Wokushiya Imiyalezo?

Ifowuni iyanceda xa ushumayela kubantu abangafumanekiyo ekhaya okanye abahlala kwindawo engafikeleleki lula. Noko ke, abantu abaninzi abayiphenduli ifowuni—baphendulelwa ngumatshini wokushiya imiyalezo (answering machine). Yintoni onokuyenza xa uphendulwa ngumatshini? Ungayibeki phantsi ifowuni. Funda intshumayelo obuyibhale phantsi waza wayiqhelisela ukuze ukwazi ukuyifunda buncoko. Yintoni onokuyithetha?

Unokummema ngobubele umninimzi ukuba eze kwiNtlanganiso Yesidlangalala elandelayo kwiHolo yoBukumkani. Mhlawumbi unokuthi: “Igama lam ngu_________. Bendikhe ndazama ukukufowunela kodwa ngelishwa andikhange ndikufumane. Ukuba ungathanda ukuphulaphula ingxubusho esekelwe eBhayibhileni enomxholo othi [chaza umxholo wentetho yesidlangalala], nceda uye kwiHolo yoBukumkani yamaNgqina kaYehova. Wonke umntu wamkelekile. Akukho nkongozelo.” Emva koko mchazele usuku nexesha lale ntlanganiso, uze umchazele indawo ekuyo iHolo yoBukumkani.

Yiba neliso kubo nabaphi na abantu abaqalayo ukuza kwiintlanganiso, bamkele uze uzazise kubo. Ungalibali ukucela ukubaqhubela isifundo seBhayibhile!