Oko Unokukuthetha Ngamaphephancwadi

IMboniselo Jan. 15

“Abantu abaninzi basebenzisa imifanekiso eqingqiweyo kunqulo lwabo. Ucinga ukuba izinto ezinjalo zinawo amandla okusindisa? [Vumela impendulo.] Nceda uphawule oko uThixo oyinyaniso aza kusenzela kona. [Funda ISityhilelo 21: 3, 4.] NguThixo wokwenene kuphela onokufeza oko. Eli phephancwadi libonisa indlela esinokungenelwa ngayo ngokukholosa ngaye.”

IMboniselo Feb. 1

“Kuxhalatyelwe kakhulu ukungcoliseka kwemeko-bume. Kodwa ngaba wakha wacinga ngokungcoliseka kwengqondo? [Vumela impendulo.] IBhayibhile ibethelela ukubaluleka kokucoceka ngokwasenyameni nangokwasemoyeni. [Funda eyesi-2 kwabaseKorinte 7:1.] Ndiqinisekile ukuba le nkcazelo uza kuyifumanisa iluncedo yaye isebenziseka.”

Vukani! Feb. 8

“Sisenokukuthabatha lula ukuba nekhaya. Kodwa izigidi zeembacu zibhadula ehlabathini zingenakuzinceda, azilufumani ukhuseleko ezilufunayo. UVukani! uye waphanda unobangela wale ngxaki nesithembiso seBhayibhile sokuba ngenye imini wonke ubani uya kuba nekhaya elilelakhe.”

“Ngokungathandabuzekiyo uye wabona ukuba ngoxa imitshato idla ngokuqalisa kumnandi, emininzi iyaqhawuka. Ndithanda ukukushiyela le nkupho kaVukani!, njengokuba ixubusha imbono yeBhayibhile ngendlela yokwenza umtshato uphumelele uze wonwabise.”