Iintshayelelo Zamaphephancwadi

IMboniselo Jan. 15

“Ekubeni kuyinto exhaphakileyo ukungazaliswa kwezithembiso kwixesha lethu, abantu abaninzi abasathembi mntu. Ucinga ukuba ukho umntu esinokumthemba xa esenza izithembiso? [Mlinde aphendule. Yandula ufunde uYoshuwa 23:14.] Eli phephancwadi libonisa indlela esinokuthembela ngayo kwizithembiso zikaThixo eziseBhayibhileni.”

IMboniselo Feb. 1

“Inkoliso yethu izama ukuyinyamekela kakuhle impilo. Noko ke, uphengululo lwakutshanje lubonisa ukuba impilo yethu iyachatshazelwa bubumoya bethu. Ucinga ukuba inokwenzeka loo nto? [Mvumele aphendule. Yandula ufunde uMateyu 5:3.] Le Mboniselo ixubusha indlela esinokuzanelisa ngayo iimfuno zethu zokomoya.”

Vukani! Feb. 8

“Le yindlela elibhalwa ngayo igama likaThixo kulwimi lwesiHebhere. [Mbonise indlela elibhalwe ngayo kwiphepha elingaphandle.] Abantu abaninzi bavakalelwa kukuba igama lakhe alimele libizwe. Abanye balisebenzisa ngokukhululekileyo. Lo Vukani! uxubusha le ngxubakaxaka. Ukwaxubusha nendlela esinokulazi ngayo igama likaThixo.” Funda INdumiso 83:18.

“Abantu abaninzi namhlanje baxakeke gqitha yaye bafuna ukuphumla ngokwaneleyo. Mhlawumbi uza kuvumelana nala mazwi awabhalwa ngaphezu kweminyaka engama-3 000 eyadlulayo. [Funda INtshumayeli 4:6. Mvumele aphendule.] Lo Vukani! unenkcazelo eluncedo exubusha ngengxaki yokungalali ngokwaneleyo.”