Iintshayelelo Zamaphephancwadi

IMboniselo Okt. 15

“Ubunokubachazela njani abantwana bakho okanye abanye abantu isizathu sokuba kwenzeke izinto ezimbi namhlanje? [Mlinde aphendule.] IBhayibhile iphendula umbuzo othi, ‘Ngubani Ongunobangela Wabo Bonke Ububi?’ [Funda eyoku-1 kuYohane 5:19.] Le Mboniselo iya kukunceda umqonde ongendawo yaye wazi nendlela esinokumchasa ngayo.”

IMboniselo Nov. 1

“Uninzi lwethu luzama ukuqhubana ngoxolo nabanye abantu. Kodwa uya kuvumelana nam xa ndisithi kulula ukuyithetha loo nto kunokuyenza. [Mlinde aphendule.] IBhayibhile iyasichaza isizathu sokuba kube njalo. [Funda uYakobi 3:2.] Eli nqaku libonisa indlela ukucela uxolo okunokulubuyisela ngayo uxolo.”

Vukani! Nov. 8

“Ngaba ucinga ukuba imithandazo yeenkokeli zonqulo okanye eyenziwa ngabanye abantu inokuluzisa uxolo lwehlabathi? [Mlinde aphendule.] IBhayibhile isithembisa ngexesha ekuya kubakho ngalo uxolo ehlabathini. [Funda uIsaya 9:6, 7.] Ngaba uphawule ukuba ngumlawuli okhethekileyo oza kuzisa uxolo lwehlabathi? Lo Vukani! uyachaza ukuba ungubani na loo mlawuli yaye uchaza nendlela aza kuluzisa ngayo uxolo lokwenene.”

“Isiprofeto seBhayibhile sibonisa ukuba kuza ixesha apho kungayi kubakho mntu uthi, ‘Ndiyagula.’ [Funda uIsaya 33:24.] Ngaba akuyi kuba mnandi oko? [Mlinde aphendule.] Noko ke, abantu bagqitywa zizifo ezininzi, kuquka nobhubhani onguGawulayo. Lo Vukani! uphendula umbuzo othi, Ngaba uGawulayo uya kuze oyiswe?”