Iintshayelelo Zamaphephancwadi

IMboniselo Okt. 15

“Abantu abaninzi bagqala imfundo njengeyona nto ikhokelela kwimpumelelo ebomini. Ngaba ucinga ukuba lukho uhlobo lwemfundo olunokunceda ubani aphucuke aze akwazi ukuhlangabezana neengxaki ebomini? [Mvumele aphendule. Wandule ke ufunde amaRoma 12:2.] Eli phephancwadi lithetha ngendlela esinokuzuza ngayo kweyona mfundo ibalaseleyo.”

IMboniselo Nov. 1

“Abantu abaninzi bakhathazwa kukuba siphila kwihlabathi elingenalwazelelelo. Ucinga ukuba ukho umntu onokuguqula ihlabathi? [Mvumele aphendule.] Eli phephancwadi lixubusha ngezinto ezingumqobo kutshintsho. Likwathetha nangalowo uza kuziphelisa nendlela aza kuzisa ngayo uxolo nonqabiseko lokwenene.” Funda INdumiso 72:12-14.

Vukani! Nov. 8

“Abantu abaninzi bayakuthanda ukufunda iphephandaba phantse yonke imihla. Ucinga ukuba unokuyithemba inkcazelo efumaneka kumaphephandaba? [Mvumele aphendule.] Le nkupho kaVukani! inikela amacebiso ngendlela onokuzuza ngayo ekufundeni amaphephandaba. Ikwabonisa nesizathu sokuba kubekho imfuneko yokulumka.” Funda IMizekeliso 14:15.

“Ehlabathini lonke kukho umsantsa omkhulu phakathi kwezityebi namahlwempu. Ucinga ukuba ikho into enokwenziwa ukuze kuvalwe loo msantsa? [Mvumele aphendule. Wandule ufunde uMateyu 6:9, 10.] Eli phephancwadi libonisa indlela esinokuthembela ngayo kuBukumkani bukaThixo njengobuya kuphelisa ukungalingani okugquba ehlabathini namhlanje.”