Ukufundisisa Incwadi Ethi Nqula UThixo

Incwadi ethi Nqula Okuphela KoThixo Oyinyaniso ilungiselelwe ukuba ifundisiswe kunye nabantu abasebatsha bakugqiba ukufunda incwadi ethi Ulwazi. Ukufunda le mpapasho kwiSifundo Sencwadi Sebandla kuya kusinceda siyisebenzise kubulungiseleli yaye simthande size simxabise nangakumbi uYehova nentlangano yakhe. Sinokungenelwa ngokupheleleyo njani xa sifundisisa incwadi ethi Nqula UThixo?

Indlela Yokuqhuba ISifundo: Ekubeni siza kufunda isahluko sonke veki nganye, kuya kufuneka abaveleli bezifundo zencwadi balabe kakuhle ixesha. Baya kukulumkela ukuthetha into eninzi kwiziqendu zokuqala ukuze babe nexesha elingakumbi kwimibandela ebalulekileyo, edla ngokuba ngasekupheleni kwesahluko. Ukuxubusha ngokufutshane ibhokisi yempinda ekupheleni kwesifundo ngasinye kuya kunceda abo bakhoyo bazikhumbule iingongoma eziziintloko.

Imibuzo eyenzelwe ukucamngca nengxubusho ifumaneka phantse kwisiqingatha sezahluko zencwadi ethi Nqula UThixo. Umzekelo unokufunyanwa kwiphepha 48-9. Akuyomfuneko ukuba loo mibuzo ifundwe kunye neziqendu. Xa eyixubusha neqela, umveleli ufanele acele ukuba kufundwe kuze kuxutyushwe izibhalo ezibonisiweyo ukuba ixesha liyavuma.

Ukulungiselela Kusengaphambili: Ukusilungiselela kakuhle isifundo kubandakanya okungakumbi kunokukrwelela nje iimpendulo. Ukucamngca ngokuzimisela ngezibhalo ezibonisiweyo akuyi kusinceda silungiselele iimpendulo zethu kuphela kodwa, okubaluleke nangakumbi, kuya kulungisa iintliziyo zethu. (Ezra 7:10) Sonke sinako ukufak’ isandla ekukhuthazeni abanye ngokugqabaza ngendlela elinganiselweyo.—Roma 1:11, 12.

Ukufunda kwethu incwadi ethi Nqula UThixo kuya kusinceda sisondele ngakumbi kuYehova yaye kuya kusixhobisa ukuze sincede abantliziyo zinyanisekileyo basithelele ekumnquleni. (INdu. 95:6; Yak. 4:8) Ngamana sonke singangenelwa kweli lungiselelo lihle lokomoya.