Indlela Yokuhambisa Incwadi Ethi Funda Kumfundisi Omkhulu
◼ “Ucinga ukuba bekuya kuba mnandi ukuphila kulo mhlaba ukuba abantu bebephila ngokuvisisana nala mazwi? [Funda uMateyu 7:12a. Uze ke umvumele aphendule.] Le ncwadi ineemfundiso ezininzi zoyena mfundisi ubalaseleyo wakha waphila.” Balaselisa imifanekiso noko kubhalwe kuyo kwisahluko 17.
◼ “Abazali abaninzi namhlanje bazama ukubethelela ukuziphatha okuhle ebantwaneni babo. Ucinga ukuba ibalulekile loo nto? [Mvumele aphendule. Emva koko funda IMizekeliso 22:6.] Phawula ukuba apha kukhuthazwa abazali ukuba baqalise ukuqeqesha abantwana babo besebancinane. Le ncwadi yenzelwe ukubanceda bakwazi ukwenza oko.” Balaselisa imifanekiso noko kubhalwe kuyo kwisahluko 15, 18, okanye sama-32.
◼ “Ngokufuthi abazali bayamangaliswa yimibuzo abayibuzwa ngabantwana babo. Eminye kuye kube nzima ukuyiphendula, akunjalo? [Mvumele aphendule. Emva koko funda eyesi-2 kuTimoti 3:14, 15.] Umama nomakhulu kaTimoti bamfundisa iZibhalo eselusana. Le ncwadi inokubanceda abazali benze okufanayo kubantwana babo.” Balaselisa imifanekiso embalwa noko kubhalwe kuyo kwisahluko 11 nese-12 okanye kwesama-34 ukusa kwesama-36.