Iintshayelelo Zamaphephancwadi

IMboniselo Apr. 15

“Kubonakala ngathi ziya zisanda izenzo zenkohlakalo. [Yenza umzekelo wasekuhlaleni okanye okweli phephancwadi.] Ngaba wakha wazibuza ngesizathu sokuba abantu bakhohlakale kangaka? [Mvumele aphendule.] IBhayibhile yaxela kwangaphambili ukuba iya kwanda inkohlakalo. [Funda eyesi-2 kuTimoti 3:1-5.] Eli phephancwadi liphendula lo mbuzo, ‘Ngaba inkohlakalo iya kuze iphele?’”

Vukani! Apr.

“Abantu abaninzi bathi bangamaKristu. Kuthetha ukuthini ukuba ngumKristu? [Mvumele aphendule.] Phawula oko kwathethwa nguYesu apha. [Funda uYohane 15:14.] Eli nqaku libonisa ukuba kukho okungakumbi kunokuthi nje umntu ungumKristu.” Mbonise inqaku eliqala kwiphepha 26.

IMboniselo Meyi 1

“Ukufa komntwana kubangela intlungu engathethekiyo nengapheliyo kubazali. Banokuyifumana phi intuthuzelo? [Mvumele aphendule. Emva koko funda amaRoma 15:5.] Eli phephancwadi lixubusha ngeendlela uThixo abathuthuzela ngazo abo bazilileyo.”

Vukani! Meyi

“Abanye abantu bazizityebi, ngoxa abanye abazizigidi bengamahlwempu. Ucinga ukuba kuya kuze kuphele ukungalingani? [Mvumele aphendule.] Phawula indlela uThixo abajonga ngayo abo bangamahlwempu. [Funda INdumiso 22:24.] Eli phephancwadi lithetha ngethemba labangamahlwempu eliseBhayibhileni.”