Iintshayelelo Zamaphephancwadi

IMboniselo Mat. 15

“Abantu badla ngokuthetha ngokufika kukaYesu Kristu. Ngaba sifanele sikhangele phambili kwesi siganeko okanye sisoyike? [Mvumele aphendule.] Phawula indlela umbhali weBhayibhile uYohane awavakalelwa ngayo ngaso. [Funda ISityhilelo 22:20.] Eli phephancwadi lichaza oko kuza kufezwa kukufika kukaKristu.”

Vukani! Mat.

“Iinkokeli ezininzi zehlabathi zibonakala zinekratshi. Ngaba esi simo sengqondo siba negalelo kuxolo nemvisiswano emhlabeni? [Mvumele aphendule.] IBhayibhile ithetha yenjenje ngekratshi. [Funda IMizekeliso 16:18.] Eli nqaku lithetha ngeengenelo zokuthobeka.” Mbonise inqaku eliqala kwiphepha 20.

IMboniselo Apr. 1

“Mihla le sizibuza imibuzo ngempilo, iintsapho nemisebenzi yethu. Singazifumana phi iimpendulo ezinokuthenjwa nezisebenzayo? [Mvumele aphendule.] Phawula oko kuthethwa yiBhayibhile kweyoku-2 kuTimoti 3:16. [Yifunde.] Eli phephancwadi libonisa indlela iBhayibhile enokusinceda ngayo ngeendlela ezininzi eziphumelelayo.”

Vukani! Apr.

“Kwindawo ezininzi emhlabeni, abantu bavakalelwa kukuba imilinganiselo yokuziphatha iyawohloka. Ngaba uye wakuphawula oku? [Mvumele aphendule.] Iimeko esizibonayo namhlanje zizalisekisa isiprofeto seBhayibhile. [Mfundele eyoku-2 kuTimoti 3:2-4.] Eli phephancwadi libonisa oko kuthethwa kukuwohloka kwemilinganiselo nalapho iya kulukhokelela khona uluntu.”