Ibhokisi Yemibuzo

◼ Ngaba kufanelekile ukuba umvakalisi anamathisele idilesi yakhe ye-e-mail kuncwadi aluhambisa entsimini?

Abanye abavakalisi baye bagximfize isitampu okanye baprinte iphetshana elinedilesi yabo ye-e-mail baze bayinamathisele kumaphephancwadi okanye kumaphecana abawahambisayo. Abantu abalwamkelayo olo ncwadi baye bakwazi ukunxibelelana naloo mvakalisi baze bacele inkcazelo engakumbi. Le migudu bayenzayo yokunceda abantu abanomdla bayenza beneenjongo ezintle. Kodwa ke, iWeb site yethu esemthethweni ibhaliwe kumva wamaphephancwadi namaphecana ethu. Ngoko ke, kuya kuba kuhle ukuba ungayifaki idilesi yakho ye-e-mail kwiincwadi ozihambisa entsimini.

Umvakalisi ngamnye uya kuzigqibela enoba unika abantu abakwintsimi yebandla lakhe inkcazelo abanokuqhagamshelana naye kuyo ngokuyibhala ephepheni, ngokukodwa xa esenza amabuyelo. Sithi abafanele benze umgudu wokubuyela kubantu abanomdla kunokuba silindele ukuba ibe ngabo abaqhagamshelana nathi. Umdla wokwenene womntu unokubonakala xa uthetha naye nijongene.